Мабільная версія
ДЗЯРЖОРГАНЫ
Апошнія навіны
Усе навіны

Стаўка рэфінансавання ў Беларусі захоўваецца на бягучым узроўні - Нацбанк

Эканоміка 14.03.2018 | 17:54
Фота з архіва
Фота з архіва

14 сакавіка, Мінск /Кар. БЕЛТА/. Стаўка рэфінансавання ў Беларусі захоўваецца на ўзроўні 10,5 працэнта, паведамілі БЕЛТА ва ўпраўленні інфармацыі і грамадскіх сувязей Нацыянальнага банка.

"Стаўка рэфінансавання і працэнтныя стаўкі па аперацыях рэгулявання ліквіднасці Нацыянальнага банка захоўваюцца на бягучым узроўні. Адпаведнае рашэнне прынята 14 сакавіка 2018 года па выніках штоквартальнага пасяджэння праўлення Нацбанка па грашова-крэдытнай палітыцы, на якім разглядаліся бягучая сітуацыя і прагноз развіцця эканомікі", - адзначылі ва ўпраўленні.

У Нацбанку падкрэслілі, што інфляцыя знаходзіцца ў межах прагнознай траекторыі. У лютым 2018 года прырост спажывецкіх цэн у гадавым выражэнні склаў 4,9 працэнта. Наступныя месяцы бягучага года чакаецца захаванне інфляцыі ў гадавым выражэнні каля 5 працэнтаў.

Эканамічная актыўнасць прадаўжае аднаўляцца. Дэзынфляцыйны ўплыў з боку фактараў попыту змяншаецца перш за ўсё за кошт апераджальнага росту заработных плат над ростам прадукцыйнасці працы.

Пры гэтым захоўваюцца высокія інфляцыйныя чаканні эканамічных суб'ектаў. Іх узровень перасягае мэтавы параметр па інфляцыі.

У пачатку 2018 года назіраецца прагназуемае паскарэнне тэмпаў росту сярэдняй шырокай грашовай масы - да 18,4 працэнта ў гадавым выражэнні ў лютым.

"Такім чынам, рашэнне аб захаванні працэнтных ставак адлюстроўвае мэтазгоднасць падтрымання нейтральнасці грашова-крэдытных умоў. Наступнае штоквартальнае пасяджэнне праўлення Нацыянальнага банка па грашова-крэдытнай палітыцы адбудзецца 20 чэрвеня 2018 года", - інфармавалі ва ўпраўленні інфармацыі і грамадскіх сувязей.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Вынікі "Тыдня лесу - 2018" "Тыдзень лесу - 2018" быў прымеркаваны да Года малой радзімы і прысвечаны аднаўленню лясоў, што пацярпелі ад масавага распаўсюджвання насякомых-шкоднікаў у 2017 годзе.