2 мая, Мінск /Кар. БЕЛТА/. Сяўба кукурузы ў Беларусі праведзена на 492 тыс. га, або на 47,7 працэнта запланаванай плошчы, паведамілі БЕЛТА ў Міністэрстве сельскай гаспадаркі і харчавання.
Кукуруза на зерне пасеяна на 231,9 тыс. га (104 працэнты плана), на сілас - 260,1 тыс. га (32,1 працэнта плана).
Яравая сяўба ў Беларусі праведзена на 1883,7 тыс. га, або на 77,1 працэнта запланаванай плошчы. Сяўба ранніх яравых збожжавых і зернебабовых культур завершана: пасеяна 894,6 тыс. га. Лён-даўгунец пасеяны на 50 тыс. га (97,1 працэнта плана), бульба - 16,8 тыс. га (68,5 працэнта), агародніна - 3,65 тыс. га (65,1 працэнта). Завершана сяўба цукровых буракоў. Вядуцца работы па сяўбе аднагадовых траў (248,2 тыс. га, або 86,7 працэнта).
Як паведамлялася, у бягучым годзе яравую сяўбу плануецца правесці на 2,4 млн га. Лён-даўгунец плануецца пасеяць на плошчы 51,4 тыс. га, бульбу - 24,5 тыс. га, кукурузу - больш за 1 млн га.-0-
