7 верасня, Мінск /Кар. БЕЛТА/. Пастановай Савета Міністраў нумар 672 ад 5 верасня зацверджана пагадненне паміж урадамі Беларусі і Расіі аб прадастаўленні Беларусі дзяржаўнага фінансавага крэдыту, паведамілі БЕЛТА ў прэс-службе беларускага ўрада.
Пагадненне было падпісана ў Маскве 30 жніўня.
Міністэрству замежных спраў даручана накіраваць паведамленне аб выкананні Беларуссю ўнутрыдзяржаўных працэдур, неабходных для ўступлення ў сілу названага дакумента.
Як паведамлялася, крэдыт на $700 млн выдаецца тэрмінам на 10 гадоў. Сродкі будуць прадастаўлены ў расійскіх рублях і прызначаны для рэфінансавання абавязацельстваў Беларусі перад Расіяй па раней атрыманай пазыцы. Крэдыт будзе пагашацца двума штогадовымі траншамі (пачынаючы з 2018 года) - у красавіку і кастрычніку.-0-
