Мабільная версія
ДЗЯРЖОРГАНЫ
Апошнія навіны
Усе навіны

Рэнтабельнасць продажаў ААТ "Камволь" у студзені-верасні склала 5,4 працэнта

Эканоміка 20.11.2017 | 19:11
У час мастацкага савета
У час мастацкага савета

20 лістапада, Мінск /Юлія Дылянок - БЕЛТА/. Рэнтабельнасць продажаў ААТ "Камволь" у студзені-верасні склала 5,4 працэнта. Аб гэтым паведаміў сёння намеснік прэм'ер-міністра Беларусі Уладзімір Сямашка на мастацка-тэхнічным савеце, на якім быў прадстаўлены новы асартымент камвольных тканін, перадае карэспандэнт БЕЛТА.

"Калі ў мінулым годзе прадпрыемства вырабіла крыху больш за 1 млн пагонных метраў тканіны, то ў гэтым годзе выйдзе на 2,25 млн пагонных метраў. Гэта значыць больш як у два разы павялічыць аб'ёмы. Упершыню за многія гады па выніках верасня "Камволь" выйшаў на дадатную рэнтабельнасць рэалізаванай прадукцыі - 6,07 працэнта, рэнтабельнасць продажаў склала 5,36 працэнта. Цяпер мы павялічваем аб'ёмы і напрацоўваем новыя артыкулы. Думаю, па выніках 10 месяцаў рэнтабельнасць будзе вышэйшай", - адзначыў Уладзімір Сямашка.

Ён нагадаў, што яшчэ некалькі гадоў таму прадпрыемства было ў дрэнным стане. Адрадзіць камвольную вытворчасць было вырашана ў 2012 годзе. Паводле слоў Уладзіміра Сямашкі, у мадэрнізацыю ўкладзена больш за $110 млн. "Цяпер гэта новае прадпрыемства. Мы поўнасцю перааснасцілі яго самым сучасным абсталяваннем. У Турцыі ёсць некалькі падобных прадпрыемстваў, у Індыі, Японіі. А ў ЕС і на постсавецкай прасторы такіх прадпрыемстваў няма", - канстатаваў віцэ-прэм'ер.

Цяпер на "Камволі" працуюць турэцкія спецыялісты кампаніі Zen Led. "Заключаючы з імі дагавор, мы ставілі сабе некалькі мэт. З аднаго боку, мы хацелі хутка напрацаваць артыкулы, з іншага - каб яны паказалі максімальную магчымасць абсталявання і параілі, што яшчэ трэба дакупіць. Але самае галоўнае, мы хочам, каб нас правялі на рынкі ЕС, Паўднёва-Усходняй Азіі", - растлумачыў Уладзімір Сямашка.

Паводле яго слоў, цяпер перад "Камволем" стаіць задача асвоіць выпуск тканін усіх цэнавых сегментаў. "Абсталяванне і тэхналогіі дазваляюць гэта зрабіць", - падкрэсліў віцэ-прэм'ер.

У рамках правядзення мастацкага савета адбылася дэманстрацыя калекцый адзення з новых распрацовак ААТ "Камволь". Паказ уключаў некалькі блокаў: адзенне дзелавога стылю для навучэнцаў (хлопчыкі і дзяўчынкі), адзенне мужчынскае і жаночае ў стылі casual і аўтарская калекцыя дызайнера Людмілы Лабковай.

Мэта паказу - дэманстрацыя новых вытворчых магчымасцей "Камволя", пашырэнне яго прадукцыі, наладжванне прамых сувязей паміж вытворцамі, пастаўшчыкамі і спажыўцамі.-0-

Фота Максіма Гучака

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Праект стратэгіі "Навука і тэхналогіі: 2018-2040" Праект стратэгіі "Навука і тэхналогіі: 2018-2040" - адзін з ключавых дакументаў, які будзе вынесены на II З'езд вучоных Беларусі.