Мабільная версія
ДЗЯРЖОРГАНЫ
Апошнія навіны
Усе навіны

Рэгіянальныя саветы па развіцці прадпрымальніцтва створаць ва ўсіх абласцях Беларусі да сярэдзіны чэрвеня

Эканоміка 25.05.2018 | 12:14

25 мая, Мінск /Кар. БЕЛТА/. Рэгіянальныя саветы па развіцці прадпрымальніцтва створаць ва ўсіх абласцях Беларусі да сярэдзіны чэрвеня. Аб гэтым паведаміў сёння журналістам старшыня Савета па развіцці прадпрымальніцтва Аляксандр Турчын, перадае карэспандэнт БЕЛТА.

"Работа па стварэнні рэгіянальных саветаў па развіцці прадпрымальніцтва практычна завершана, засталася Віцебская вобласць. Там неабходна падпісаць адпаведнае рашэнне аблвыканкама. Гэта будзе зроблена калі не ў маі, то да сярэдзіны чэрвеня дакладна", - сказаў Аляксандр Турчын.

Ён адзначыў, што работа ў такіх саветах ужо ідзе. "Можа, не так хутка, як хацелася б, але гэта работа вядзецца - праходзяць першыя пасяджэнні, людзі абмяркоўваюць праблемы. І гэта вельмі важна, што з'яўляюцца такія дыялогавыя пляцоўкі, на якіх вырашаюцца спрэчныя пытанні", - падкрэсліў ён.

Гаворачы аб іншых ініцыятывах, над якімі працуе Савет па развіцці прадпрымальніцтва, Аляксандр Турчын нагадаў, што на завяршальнай стадыі знаходзіцца ініцыятыва па ўнясенні змяненняў ва ўказ нумар 488 "Аб некаторых мерах па папярэджанні незаконнай мінімізацыі сум падатковых абавязацельстваў". Акрамя таго, прапануецца абмеркаваць змяненні некалькіх артыкулаў Крымінальнага кодэкса. Размова ідзе пра артыкулы 233 і 234, якія датычацца незаконнай прадпрымальніцкай дзейнасці і лжэпрадпрымальніцтва. "Свае прапановы мы накіравалі ў Палату прадстаўнікоў і прапанавалі на такой шырокай дыскусійнай пляцоўцы з удзелам прадстаўнікоў бізнесу, юрыстаў, дэпутатаў абмеркаваць іх і прыйсці да нейкага агульнага меркавання", - канстатаваў Аляксандр Турчын.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.