23 красавіка, Мінск /Кар. БЕЛТА/. Раннія яравыя ў Беларусі пасеяны больш як на 60 працэнтах плошчаў. Такія даныя прыводзяцца ў аператыўнай інфармацыі Міністэрства сельскай гаспадаркі і харчавання, паведамляе БЕЛТА.
Па стане на 23 красавіка сяўба ранніх яравых збожжавых і зернебабовых культур (без кукурузы, грэчкі і проса) праведзена на плошчы 616,4 тыс. га, або 60,5 працэнта плана. У Брэсцкай вобласці сяўба праведзена на 94,3 працэнта запланаваных плошчаў, у Гродзенскай вобласці - на 74,3 працэнта, у Гомельскай - на 65,5 працэнта, Мінскай - на 67 працэнтах, Магілёўскай - 45 працэнтах, Віцебскай - 28,2 працэнта.
Раннія яравыя збожжавыя і зернебабовыя культуры ў бягучым годзе плануецца пасеяць на плошчы 1,019 млн га.-0-
