Мабільная версія
ДЗЯРЖОРГАНЫ
Апошнія навіны
Усе навіны

Рахмон падтрымаў прапанову Лукашэнкі аб стварэнні і развіцці сумесных вытворчасцей

Эканоміка 01.12.2017 | 11:44

1 снежня, Мінск /Уладзімір Мацвееў - БЕЛТА/. Прэзідэнт Таджыкістана Эмамалі Рахмон сёння на перагаворах у Палацы Незалежнасці падтрымаў прапанову Прэзідэнта Беларусі Аляксандра Лукашэнкі аб стварэнні і развіцці сумесных вытворчасцей, перадае карэспандэнт БЕЛТА.

"Гэта велізарны патэнцыял", - сказаў Прэзідэнт Таджыкістана. Ён прапанаваў даць даручэнне старшыням міжурадавых камісій у студзені або лютым 2018 года правесці пасяджэнне і вывучыць усе дэталі, магчымасці стварэння сумесных прадпрыемстваў. "І не толькі з улікам рынку Таджыкістана, але і рынку, як вы гаворыце, Афганістана", - адзначыў Эмамалі Рахмон.

За апошнія гады пабудавана шэсць мастоў, што злучаюць Таджыкістан з Афганістанам. У тым ліку дзякуючы гэтаму тавараабарот значна ўзрос. "Гандаль ідзе. Ідзе праз Афганістан і на Пакістан", - удакладніў Прэзідэнт Таджыкістана.

"Мы даражым нашымі адносінамі - нашымі асабістымі і паміж народамі. У Таджыкістане гэта вельмі высока цэняць. І вас любяць у Таджыкістане. Заўсёды вас слухаюць праз СМІ", - сказаў Эмамалі Рахмон.

У адказ на гэта Аляксандр Лукашэнка заўважыў, што МТРК "Мір" - прыстойны канал, які аб'ектыўна падае сітуацыю ў рэспубліках.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).