10 жніўня, Мінск /Кар. БЕЛТА/. Члены міжведамаснай рабочай групы па падрыхтоўцы стратэгіі развіцця будгаліны Беларусі на 2018-2030 гады на пасяджэнні абмеркавалі перспектывы і шляхі развіцця будаўнічай навукі, паведамілі БЕЛТА ў прэс-службе Мінбудархітэктуры.
З мэтай комплекснага пераўтварэння прапаноўвалася вызначыць базавую навуковую арганізацыю, якая будзе аналізаваць перспектыўнасць навуковых напрацовак, пры гэтым акумулюючы сілы ўсіх іншых навуковых арганізацый у будаўнічай сферы.
У час пасяджэння абмяркоўваліся таксама пытанні ўдасканалення нарматыўна-тэхнічнай базы, пытанні падрыхтоўкі кадраў для будаўнічага комплексу. Віцэ-прэм'ер Анатоль Калінін адзначыў: "Задача распрацоўкі праекта стратэгіі - гэта ўстаноўка дакладных, адназначных напрамкаў развіцця галіны для павышэння яе эфектыўнасці". "Таму ад кожнай падгрупы чакаю сур'ёзнага падыходу і дэталёвага аналізу", - сказаў ён.
У снежні 2017 года ўрад прыняў рашэнне аб фарміраванні міжведамаснай рабочай групы для распрацоўкі стратэгіі развіцця будаўнічай галіны Беларусі на 2018-2030 гады. Праект распрацоўваецца сумесна з зацікаўленымі дзяржаўнымі органамі на аснове дэталёвага аналізу сусветнага вопыту развіцця будаўніцтва і праграмных дакументаў.-0-