Сцяг Пятніца, 29 сакавіка 2024
Усе навіны
Усе навіны
Эканоміка
25 мая 2017, 12:52

Прырост запасаў нафты Беларусі ў 2016 годзе павялічыўся ў два разы

25 мая, Жлобінскі раён /Юлія Лысенка - БЕЛТА/. Прырост запасаў нафты Беларусі ў 2016 годзе ў параўнанні ў 2015 годам павялічыўся ў два разы. Аб гэтым паведаміў журналістам міністр прыродных рэсурсаў і аховы навакольнага асяроддзя Андрэй Каўхута, які 24 мая прыняў удзел у прэс-туры да нядаўна выяўленых залежаў нафты на Усходне-Дабрагашчанскай плошчы, перадае карэспандэнт БЕЛТА.

"З улікам пераацэнкі запасаў штогадовы прырост запасаў нафты Беларусі ў 2016 годзе склаў 1,2 млн т. На год раней гэты паказчык складаў 600 тыс. т", - сказаў міністр.

Андрэй Каўхута таксама праінфармаваў, што ў Беларусі выяўлена 82 радовішчы нафты, ёсць два радовішчы газакандэнсату. З гэтых радовішчаў эксплуатуецца каля 60, адкуль у 2016 годзе здабыта 1 млн 645 тыс. т нафты. У 2017 годзе плануецца атрымаць 1 млн 650 тыс. т.

Гаворачы аб патрэбнасцях Беларусі ў нафце, ён адзначыў, што магчымасці перапрацоўкі мясцовых нафтаперапрацоўчых прадпрыемстваў дасягаюць 20-25 млн т. "Безумоўна, тых аб'ёмаў, якія здабывае Беларусь, недастаткова для загрузкі магутнасцей нашых прадпрыемстваў. Але калі гаварыць аб аб'ёмах уласнага спажывання, то патрэбнасці краіны забяспечваюць 30-40 працэнтаў нафты, што здабываецца тут", - падкрэсліў Андрэй Каўхута.

Міністр нагадаў, што асноўная задача ў тым, каб не толькі захаваць існуючыя аб'ёмы здабычы нафты, але і нарасціць іх. Таму для забеспячэння прыросту здабычы нафты будуць прадоўжаны работы па геолагаразведцы і ўключэнні ў прамысловы абарот нафтавых залежаў, у тым ліку з цяжказдабыўнымі запасамі.-0-

Падпісвайцеся на нас у
Twitter
Топ-навіны
Свежыя навіны Беларусі