Мабільная версія
ДЗЯРЖОРГАНЫ
Апошнія навіны
Усе навіны

Прэзентаваны першы беларускі электрамабіль

Эканоміка 22.08.2017 | 16:35

22 жніўня, Мінск /Кар. БЕЛТА/. Нацыянальная акадэмія навук прэзентавала першы беларускі электрамабіль. Мерапрыемства адбылося на Рэспубліканскім палігоне для выпрабаванняў мабільных машын Аб'яднанага інстытута машынабудавання НАН, перадае карэспандэнт БЕЛТА.

"Год таму мы прыйшлі з прапановай яго стварыць да старшыні Прэзідыума Нацыянальнай акадэміі навук Уладзіміра Гусакова. Ён падтрымаў гэту ідэю. Амаль год мінуў - і перад вамі эксперыментальны ўзор - з усімі яго характарыстыкамі, знешнім выглядам і электрычнымі кампанентамі, якія мы стварылі з прыцягненнем іншых кампаній, маючых кампетэнцыі ў гэтым напрамку", - расказаў журналістам генеральны дырэктар Аб'яднанага інстытута машынабудавання НАН Сяргей Паддубка.

Паводле яго слоў, аўтамабіль праектуецца пад гарадскія ўмовы: "Магутнасць рухавіка - 60 кВт, гэта недзе 80 к.с. Гэтага цалкам дастаткова для работы ў горадзе. Максімальная скорасць, якую мы выпрабоўвалі на гэтым палігоне, - 110 км/гадз. Час разгону да 100 км/гадз мы пакуль да канца не вызначылі - мы шкадуем аўтамабіль, таму паставілі электронную сістэму абароны. Мы паступова нарошчваем яго магчымасці, з часам усе характарыстыкі выявім і, калі трэба, падкарэкціруем".

Накапляльнік электраэнергіі аўтамабіля можна зараджаць як ад звычайнай электрычнай разеткі, так і ад спецыяльнага зараднага ўстройства. "Калі напружанне 220 В, то ён зараджаецца шэсць гадзін, калі зарадка на большы ток, то каля чатырох гадзін", - адзначыў Сяргей Паддубка.

Эксперыментальны ўзор электрамабіля створаны на базе серыйнай машыны GeelySC7 беларускай зборкі. Яго наяўнасць дасць магчымасць адпрацаваць аптымальныя кампановачныя рашэнні ў частцы электракампанентаў, удакладніць іх характарыстыкі і пачаць стварэнне паўнацэннага доследнага ўзору, прыняцце рашэнняў па асваенні яго вытворчасці ў рэспубліцы.

Уся кампанентная база цягавага электрапрывода аўтамабіля лакалізавана ў Беларусі. Элементам, што купляецца, з'яўляецца толькі цягавая батарэя - накапляльнік электраэнергіі, конкурс на пастаўку якой выйграла расійская кампанія "Энер зэт" (Санкт-Пецярбург).

Пастаўлена задача асвоіць вытворчасць батарэй у Беларусі. У Навукова-практычным цэнтры НАН па матэрыялазнаўстве створаны новы эфектыўны матэрыял, які можа паслужыць асновай суперкандэнсатара - накапляльніка электраэнергіі для транспартных машын.-0-

Фота Максіма Гучака

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск