22 верасня, Караганда /БЕЛТА - КАЗІНФАРМ/. Пратакол аб супрацоўніцтве падпісаны па выніках 13-га пасяджэння міжурадавай беларуска-казахстанскай камісіі па гандлёва-эканамічным супрацоўніцтве, якое адбылося ў Доме Дружбы ў Карагандзе.
У пасяджэнні прыняў удзел першы намеснік прэм'ер-міністра Беларусі Васіль Мацюшэўскі.
У час афіцыйнага візіту ў рэгіён першы віцэ-прэм'ер таксама наведаў завод па ўтылізацыі аўтамабіляў і прадпрыемства "КазБелАЗ", якое з'яўляецца сумеснай казахстанска-беларускай вытворчасцю.
Дыпламатычныя адносіны паміж Беларуссю і Казахстанам устаноўлены 16 верасня 1992 года.-0-