29 снежня, Мінск /Кар. БЕЛТА/. Прафіцыт рэспубліканскага бюджэту ў студзені-лістападзе 2017 года склаў Br3,4 млрд, або 3,5 працэнта да ВУП. Такая інфармацыя размешчана на сайце Міністэрства фінансаў, паведамляе БЕЛТА.
Прафіцыт бюджэту сектара дзяржаўнага кіравання з пачатку года склаўся ў памеры Br4,4 млрд, або 4,6 працэнта да ВУП.
Даходы бюджэту сектара дзяржкіравання за студзень-лістапад - Br38,8 млрд, або 90,3 працэнта ўдакладненага гадавога плана. Даходы рэспубліканскага бюджэту склалі Br17,8 млрд, або 97 працэнтаў удакладненага гадавога плана.
За студзень-лістапад паступленне ПДВ склала Br8,6 млрд, або 91,3 працэнта ўдакладненага гадавога плана. Падатку на прыбытак паступіла Br2,4 млрд, або 84,3 працэнта ўдакладненага гадавога плана. Акцызы паступілі ў суме Br2,1 млрд, або 93,7 працэнта ўдакладненага гадавога плана. Даходы ад знешнеэканамічнай дзейнасці склалі Br3,1 млрд, або 97,3 працэнта ўдакладненага гадавога плана. Паступленні ў Фонд сацыяльнай абароны насельніцтва склалі Br11,1 млрд, або 82,2 працэнта, фонд універсальнага абслугоўвання - Br38,1 млн, або 96,9 працэнта, Фонд грамадзянскай авіяцыі - Br26,9 млн, або 173,5 працэнта, Фонд Дэпартамента выканання пакаранняў - Br1,8 млн, або 150 працэнтаў.
Па стане на 1 снежня запазычанасць па падатках і зборах склала Br133,8 млн.
Расходы бюджэту сектара дзяржаўнага кіравання за студзень-лістапад склалі Br34,4 млрд, або 83,2 працэнта ўдакладненага гадавога плана. Расходы рэспубліканскага бюджэту склалі Br14,4 млрд, або 82,5 працэнта ўдакладненага гадавога плана.
На агульнадзяржаўную дзейнасць накіравана Br6 млрд (78,2 працэнта), на фінансаванне нацыянальнай эканомікі - Br3,6 млрд (81,4 працэнта), на фінансаванне сацыяльнай сферы (сацыяльная палітыка, адукацыя, ахова здароўя, фізічная культура, спорт, культура і сродкі масавай інфармацыі) - Br11 млрд (83 працэнты). Расходы Фонду сацыяльнай абароны насельніцтва склалі Br11,1 млрд (87,4 працэнта), Фонду ўніверсальнага абслугоўвання - Br16,9 млн (43 працэнты), Фонду грамадзянскай авіяцыі - Br17,5 млн (112,9 працэнта), Фонду Дэпартамента выканання пакаранняў - Br0,8 млн (53,3 працэнта).-0-
