7 чэрвеня, Мінск /Кар. БЕЛТА/. Праект па будаўніцтве сістэмы выдачы магутнасці БелАЭС будзе завершаны ў лістападзе 2018 года, паведаміў сёння журналістам намеснік міністра энергетыкі Міхаіл Міхадзюк, перадае карэспандэнт БЕЛТА.
Работы па электрасеткавай гаспадарцы выдачы электрычнай магутнасці ідуць па графіку. "Праект будзе завершаны ў лістападзе", - праінфармаваў Міхаіл Міхадзюк. "У гэтым месяцы мы плануем паставіць на атамнай станцыі размеркавальнае ўстройства на 330 кВт пад рабочае напружанне", - дадаў ён.
Сістэма выдачы магутнасці будуецца па кантракце РУП "Гроднаэнерга" і ТАА "Паўночнакітайская электраэнергетычная праектная кампанія пры кітайскай электраэнергетычнай інжынерна-кансультацыйнай карпарацыі".
Сёння ў Палаце прадстаўнікоў намеснік міністра прадставіў пратакол аб унясенні змянення ў пагадненне паміж урадамі Беларусі і Расіі аб супрацоўніцтве ў будаўніцтве БелАЭС ад 15 сакавіка 2011 года. Гэты пратакол быў падпісаны ў Мінску ў лютым. Ён прадугледжвае змяненне тэрміну ўводу ў эксплуатацыю першага энергаблока БелАЭС з 2018 года на снежань 2019-га. Пры гэтым тэрмін уводу ў эксплуатацыю другога энергаблока застаецца нязменным - 2020. Парламентарыі ратыфікавалі гэты і іншыя міжнародныя дакументы.-0-