Мабільная версія
ДЗЯРЖОРГАНЫ
Апошнія навіны
Усе навіны

Петрышэнка: у 2018 годзе прадоўжыцца работа па падрыхтоўцы да стварэння адзіных рынкаў энерганосьбітаў

Эканоміка 03.01.2018 | 13:44
Ігар Петрышэнка. Фота з архіва
Ігар Петрышэнка. Фота з архіва

3 студзеня, Мінск /Кар. БЕЛТА/. У 2018 годзе прадоўжыцца работа па падрыхтоўцы да стварэння адзіных рынкаў энерганосьбітаў. Аб гэтым сказаў у інтэрв'ю праграме "Беларусь. Галоўнае" ў эфіры тэлеканала "БелРас" Надзвычайны і Паўнамоцны Пасол Беларусі ў Расіі Ігар Петрышэнка, паведамляе БЕЛТА.

Беларускі дыпламат адзначыў, што 2018 год павінен быць інтэнсіўным у плане развіцця адносін з Расіяй. "У першую чаргу мы спадзяёмся, што прадоўжым работу па фарміраванні адзіных рынкаў газу, электраэнергіі, нафтапрадуктаў. Каб у зададзеныя тэрміны рэалізацыі планаў мы маглі падысці падрыхтаванымі, каб сапраўды нашы эканомікі адчулі ўсе тыя перавагі, якія даюць інтэграцыйныя праекты, - сказаў Ігар Петрышэнка. - Нам трэба прадоўжыць работу і па зняцці бар'ераў і абмежаванняў, якія ёсць, на жаль. Гэта ў першую чаргу сфера аграпрамысловасці - пастаўкі нашых прадуктаў у Расію. Падрыхтавана адпаведная дарожная карта - праект, які знаходзіцца на разглядзе, у актыўнай фазе абмеркавання беларускага Мінсельгасхарча з расійскім Мінсельгасхарчам. Тут мы павінны сканцэнтравацца і выдаць канкрэтны вынік, каб стварыць камфортнае асяроддзе для работы нашых аграрыяў на беларуска-расійскім рынку і на рынку ўсяго ЕАЭС".

Гаворачы аб адзіных рынках энерганосьбітаў, дыпламат нагадаў, што іх стварэнне звязана з пастаўленымі задачамі ў першую чаргу пры падпісанні дагавора аб стварэнні Еўразійскага эканамічнага саюза і, адпаведна, з планамі яго рэалізацыі. "У плане рэгулявання і па 2017 годзе з улікам вынікаў грунтоўнай сустрэчы прэзідэнтаў Беларусі і Расіі 3 красавіка ў Санкт-Пецярбургу пытанні былі вырашаны. Дадзена даручэнне экспертам урадаў бакоў у рамках фарміравання адзінага рынку газу падрыхтаваць адпаведную метадалогію. Мы, як дзве краіны, якія найбольш рушылі наперад у плане рэалізацыі і ўсёабдымнага характару адносін у нафтагазавай сферы, павінны вось гэту метадалогію выпрацаваць для таго, каб былі роўна ўлічаны ўмовы і падыходы краін, якія валодаюць энерганосьбітамі, і краін, якія з'яўляюцца спажыўцамі. У рэшце рэшт, мы павінны стварыць роўнае канкурэнтнае асяроддзе - суб'ект гаспадарання Расійскай Федэрацыі гэта ці суб'ект гаспадарання з Беларусі", - падкрэсліў Ігар Петрышэнка.

Паводле слоў дыпламата, узаемаадносіны з рэгіёнамі Расіі ў 2017 годзе развіваліся вельмі дынамічна. "Каля 160 узаемных візітаў было ў 2017 годзе, праведзена каля 220 кірмашоў, - сказаў Ігар Петрышэнка. - Форум рэгіёнаў узняўся на больш высокі ўзровень пасля таго, як кіраўнікамі дзяржаў прынята рашэнне прымаць удзел у яго рабоце. Гэта павышае ўзровень адказнасці ва ўдзельнікаў мерапрыемства. Па выніках летняга форуму падпісана 77 двухбаковых дакументаў - гэта сур'ёзная лічба. Кантрактаў было заключана на суму каля $450 млн".

Пасол адзначыў, што трэба глядзець і аналізаваць увесь комплекс фактараў, у тым ліку санкцыйны рэжым, у якім знаходзіцца Расія. "Ёсць выклікі, якія ўзнікаюць для Беларусі і Расіі. Гэта лішняя праверка на трываласць нашых саюзніцкіх адносін. Таму нам трэба ўсе тыя саюзныя механізмы, якія існуюць, проста адаптаваць да тых выклікаў і пагроз, якія ёсць, і спакойна развіваць гэты праект, - сказаў Ігар Петрышэнка. - Дастаткова сказаць, што індыкатар развіцця адносін - гэта ўзровень тавараабароту. Па выніках 10 месяцаў 2017 года ён дасягнуў $26 млрд. У знешнегандлёвым абароце РФ займае ў нас каля 51,3 працэнта, і мы з'яўляемся чацвёртымі па ліку ў пяцёрцы асноўных гандлёва-эканамічных партнёраў Расіі. Нас апярэджваюць толькі Кітай, Германія і Нідэрланды". Пасол таксама звярнуў увагу на вялікую значнасць саюзных мерапрыемстваў 2017 года - Парламенцкага сходу Саюза Беларусі і Расіі, Савета Міністраў Саюзнай дзяржавы, Форуму рэгіёнаў, пасяджэння Вышэйшага дзяржаўнага савета СД і іншых.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Экспарт прадукцыі АПК Экспарт беларускай сельгаспрадукцыі ў студзені-маі вырас на 6,5% і дасягнуў $2,071 млрд.