Мабільная версія
ДЗЯРЖОРГАНЫ
Апошнія навіны
ІНФАГРАФІКА: Час стаць прыкметней
20 кастрычніка 2017 Стужка навiн
Усе навіны

Першы крэдыт па ўказе аб адрасным субсідзіраванні жылля атрымала шматдзетная сям'я з Іванава

Эканоміка 20.09.2017 | 12:48

20 верасня, Мінск /Кар. БЕЛТА/. Першы крэдыт па ўказе аб адрасным субсідзіраванні будаўніцтва жылля Беларусбанк выдаў шматдзетнай сям'і з горада Іванава Брэсцкай вобласці. Аб гэтым паведаміў сёння журналістам старшыня праўлення ААТ "ААБ Беларусбанк" Віктар Ананіч, адказваючы на пытанне карэспандэнта БЕЛТА.

"Учора шматдзетнай сям'і ў Іванава быў выдадзены першы крэдыт у рамках указа нумар 240 - для будаўніцтва жылля ў гэтым горадзе. Да канца года мы разлічваем выдаць такіх крэдытаў на агульную суму Br60 млн. Пры неабходнасці банк гатовы павялічыць фінансаванне. Гэта залежыць ад многіх фактараў, у тым ліку ад ходу будаўніцтва", - сказаў Віктар Ананіч.

Ён выказаў упэўненасць, што новы механізм дзяржаўнай падтрымкі грамадзян у жыллёвым будаўніцтве будзе карыстацца попытам. "Не толькі Беларусбанк, але і іншыя банкі заявілі аб жаданні ўдзельнічаць у фінансаванні будаўніцтва жылля ў рамках гэтага ўказа. Мы бачым па зваротах, што гэты прадукт будзе сапраўды запатрабаваны", - дадаў старшыня праўлення Беларусбанка.

У Беларусі 6 жніўня ўступіў у сілу ўказ нумар 240 аб адрасным субсідзіраванні ў жыллёвым будаўніцтве. Дзяржаўныя субсідыі будуць прадастаўляцца на выплату часткі працэнтаў за карыстанне крэдытам на будаўніцтва жылля, атрыманым грамадзянамі ў любым камерцыйным банку, а шматдзетным і маладым сем'ям і дзецям-сіротам - таксама на пагашэнне часткі асноўнага доўгу па такіх крэдытах. Згодна з указам, памер субсідыі на выплату часткі працэнтаў для сем'яў з трыма непаўналетнімі дзецьмі будзе раўняцца стаўцы рэфінансавання плюс 2 працэнты, з чатырма і больш непаўналетнімі дзецьмі - стаўцы рэфінансавання плюс 3 працэнты, з трыма і больш дзецьмі да 23 гадоў, дзецям-сіротам і дзецям, якія засталіся без апекі бацькоў, - стаўцы рэфінансавання плюс 2 працэнты. Сем'ям з чатырма і больш дзецьмі асноўны доўг будзе пагашаны на 100 працэнтаў, з трыма сумесна пражываючымі дзецьмі ва ўзросце да 23 гадоў - на 95 працэнтаў, дзецям-сіротам - на 35 працэнтаў, маладым сем'ям пры нараджэнні аднаго і двух дзяцей - 10 працэнтаў і 20 працэнтаў адпаведна.

Усяго на адраснае субсідзіраванне ў жыллёвым будаўніцтве цяпер прадугледжана каля Br135 млн. Першымі рэалізоўваць указ нумар 240 пачынаюць Беларусбанк і Белаграпрамбанк. Плануецца, што далей да іх далучацца камерцыйныя банкі.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.