4 снежня, Мінск /Кар. БЕЛТА/. Новыя фіксаваныя тарыфы на жыллёва-камунальныя паслугі, што прадастаўляюцца насельніцтву, субсідзіруюцца дзяржавай, з улікам індэксацыі ўстаноўлены ў Мінску. Адпаведнае рашэнне Мінгарвыканкама ад 16 лістапада 2015 года нумар 3085 апублікавана сёння на Нацыянальным прававым інтэрнэт-партале, паведамляе БЕЛТА.
Фіксаваныя тарыфы на ЖКП павышаны ў параўнанні з зацверджанымі раней тарыфамі рашэннем Мінгарвыканкама ад 19 сакавіка 2015 года нумар 681. Так, тарыф (без падатку на дабаўленую вартасць) на тэхнічнае абслугоўванне жылога дома ў месяц складае Br994,9 за 1 кв.м агульнай плошчы (было Br958,5); на водазабеспячэнне - Br1 тыс. 508,2 за 1 куб.м (было Br1 тыс. 453); водаадвядзенне (каналізацыя) - Br1 тыс. 7 за 1 куб.м (было Br970,1); карыстанне ліфтам з аднаго пражываючага ў месяц - Br6 тыс. 911 (было Br6 тыс. 658).
Рашэнне ўступае ў сілу пасля яго афіцыйнага апублікавання.
Яшчэ адной пастановай Мінгарвыканкама (ад 16 лістапада 2015 года нумар 3080) зацверджаны нарматывы субсідзіравання на пакрыццё часткі расходаў па прадастаўленні жыллёва-камунальных паслуг насельніцтву, якое пражывае ў ведамасным жыллёвым фондзе. Нарматыў субсідзіравання на тэхнічнае абслугоўванне жылых дамоў складае Br596,6 на 1 кв.м агульнай плошчы жылых памяшканняў у месяц; тэхнічнае абслугоўванне інтэрнатаў - Br1900 на 1 кв.м агульнай плошчы жылых памяшканняў у месяц; карыстанне ліфтам - Br14 тыс. 13,7 па жылых дамах на аднаго пражываючага ў месяц; цеплазабеспячэнне жылых дамоў і інтэрнатаў (у выпадку прадастаўлення жыллёва-камунальных паслуг ведамаснымі арганізацыямі-пастаўшчыкамі) - Br763 тыс. 414 на 1 гігакалорыю цеплавой энергіі; цеплазабеспячэнне жылых дамоў таварыстваў уласнікаў, абсталяваных ацяпляльнымі кацельнямі, - Br861 тыс. 352 на 1 гігакалорыю цеплавой энергіі.-0-
