7 снежня, Мінск /Кар. БЕЛТА/. Нацыянальны банк Беларусі сёння ў выніку правядзення аўкцыёну па першасным размяшчэнні кароткатэрміновых аблігацый выключыў з банкаўскай сістэмы Br700 млн збыткоўнай ліквіднасці, паведамілі БЕЛТА ў Нацбанку.
Да аўкцыёну па першасным размяшчэнні кароткатэрміновых аблігацый выпуску нумар 992 былі дапушчаны 68 заявак ад 24 удзельнікаў са стаўкамі ад 11 працэнтаў да 12,42 працэнта гадавых на агульную суму Br1,017 млрд. "Прынята рашэнне аб прызнанні аўкцыёну праведзеным, фактычны аб'ём размяшчэння склаў Br700 млн. Сярэднеўзважаная стаўка склала 11,27 працэнта гадавых, задаволена 43 заяўкі ад 20 удзельнікаў", - адзначылі ў Нацбанку. Тэрмін абарачэння гэтых аблігацый - 7 дзён.
На 7 снежня астатак сродкаў на каррахунках банкаў - Br1,539 млрд.
Збыткоўная ліквіднасць сведчыць аб наяўнасці значнай сумы свабодных невыкарыстоўваемых грошай у банкаўскай сістэме. Прымяненне інструментаў па выключэнні збыткоўнай ліквіднасці абумоўлена неабходнасцю дасягнення мэт доўгатэрміновага характару, што аказваюць уплыў на банкаўскую сістэму і эканоміку ў цэлым. У прыватнасці, гэта падтрыманне стабільнасці абменнага курса, працэнтных ставак на пэўным узроўні, забеспячэнне стабільнасці і прадказальнасці фінансавага рынку.-0-
