23 мая, Мінск /Кар. БЕЛТА/. Нацыянальны банк плануе да 2020 года нарасціць золатавалютныя рэзервы да $8-8,5 млрд, паведаміў сёння першы намеснік старшыні праўлення Нацбанка Тарас Надольны ў час круглага стала "Банкаўскі сектар Беларусі: аднаўленне чакаецца", перадае карэспандэнт БЕЛТА.
"Сёння ўсе падставы для гэтага ёсць, мы ўвесь лішак валюты купляем, у нас дадатныя інтэрвенцыі. Гэта пазітыўны рэзультат гібкай курсавой палітыкі, якая склалася на рынку", - растлумачыў Тарас Надольны.
Першы намеснік старшыні праўлення Нацбанка расказаў, што да 2020 года ў Беларусі плануецца выйсці на трохмесячны крытычны імпарт і сфарміраваць рэзервы пераважна на бездаўгавой аснове.
Як паведамлялася, золатавалютныя рэзервы Беларусі ў студзені-красавіку ў адпаведнасці з метадалогіяй Міжнароднага валютнага фонду выраслі на 3,7 працэнта да $5,1 млрд.-0-