25 лютага, Мінск /Кар. БЕЛТА/. Крэдыт Міжнароднага валютнага фонду патрэбны Беларусі на добрыя праекты, а не на спажыванне. Аб гэтым сёння заявіў журналістам старшыня Савета Рэспублікі Міхаіл Мясніковіч, перадае карэспандэнт БЕЛТА.
Крэдыт, як адзначыў Міхаіл Мясніковіч, патрэбны, каб папоўніць ЗВР, а таксама на рэалізацыю добрых праектаў. "Але не на праяданне, не на спажыванне. Жыць трэба за свае", - падкрэсліў ён.
Беларусь вядзе з МВФ перагаворы аб пачатку новай праграмы. Як расказаў сёння журналістам міністр фінансаў Уладзімір Амарын, беларускі бок разлічвае знізіць стаўку па крэдыце з 2,28 працэнта да 2,1 працэнта.-0-
