10 кастрычніка, Мінск /Кар. БЕЛТА/. Міністэрства транспарту і камунікацый Беларусі прадаўжае перагаворы для прыходу лоў-костаў у абласныя аэрапорты, паведаміў сёння журналістам міністр транспарту і камунікацый Аляксей Аўраменка ў Палаце прадстаўнікоў, перадае карэспандэнт БЕЛТА.
"Наша мэта - развіццё абласных аэрапортаў, мы прапрацоўваем з лоў-кост-кампаніямі магчымасць лятаць у абласныя аэрапорты. Усё залежыць ад таго, як будзе складвацца эканоміка перавозчыкаў, менавіта яны прымаюць канчатковае рашэнне аб адкрыцці таго ці іншага маршруту", - сказаў Аляксей Аўраменка.
Міністр таксама пацвердзіў, што Wizz Air пачне з вясны 2020 года лятаць з Мінска ў Будапешт. Перагаворы аб прыходзе ў абласныя аэрапорты вядуцца не толькі з гэтым лоў-костам, але і іншымі, удакладніў ён.
Паводле слоў Аляксея Аўраменкі, асноўнае пытанне на перагаворах - гэта ўмовы, на якіх лоў-кост можа прыйсці ў які-небудзь з аэрапортаў. "Цэны на білеты ўстанаўліваюць перавозчыкі, а абслугоўванне (тарыфы на абслугоўванне пасля прылёту ў Беларусь. - Заўвага БЕЛТА) у кожным канкрэтным выпадку - гэта пытанне перагавораў, каго і куды яны вязуць. Усе лоў-косты хочуць прэферэнцый, гэта трэба выразна разумець, але нехта за гэты білет павінен заплаціць, пытанне - хто", - адзначыў міністр.-0-
