24 ліпеня, Мінск /Кар. БЕЛТА/. Міністэрства фінансаў вынесла на грамадскае абмеркаванне праект указа "Аб змяненні ўказаў Прэзідэнта Рэспублікі Беларусь па пытаннях страхавой дзейнасці", паведамляе БЕЛТА са спасылкай на афіцыйны сайт Мінфіна.
Дакумент распрацаваны ў мэтах удасканалення дзяржаўнага рэгулявання і далейшага развіцця страхавой дзейнасці, а таксама прыняцця дадатковых мер па абароне маёмасных інтарэсаў грамадзян і арганізацый.
З тэкстам можна азнаёміцца на сайце Мінфіна. Прапановы можна прадаставіць не пазней за 1 жніўня 2017 года ў электронным выглядзе на адрас insurance@minfin.gov.by.-0-