29 верасня, Мінск /Юлія Огнева - БЕЛТА/. Міністэрства фінансаў не бачыць патрэбнасці да канца года ажыццяўляць дадатковыя пазыкі, у тым ліку на ўнутраным рынку, заявіў журналістам першы намеснік міністра фінансаў Максім Ермаловіч, перадае карэспандэнт БЕЛТА.
"Калі гаварыць аб агульнай збалансаванасці нашых бюджэтных валютных патокаў, звязаных з выкананнем і абслугоўваннем дзяржаўнага доўгу, то задача вызначана ва ўказе нумар 78: мы павінны прыняць меры па безумоўным выкананні абавязацельстваў і правесці неабходныя аб'ёмы рэструктурызацыі. Рызык вялікіх па бягучым годзе не бачу і не чакаю. У нейкіх надзвычайных пазыках, у тым ліку на ўнутраным рынку, патрэбнасці няма", - адзначыў Максім Ермаловіч.
Паводле яго слоў, пачалася ўжо работа па падрыхтоўцы здзелак на наступны год. "Гэта датычыцца і еўрапейскага рынку капіталу, і нашых далейшых адносін з ЕФСР па выкананні сумеснай праграмы ўрада і Нацыянальнага банка. Работа ідзе з МВФ, тут высокая зацікаўленасць Мінфіна, каб працэс пазітыўна развіваўся", - сказаў Максім Ермаловіч.-0-
