Мабільная версія
ДЗЯРЖОРГАНЫ
Апошнія навіны
Усе навіны

МАРГ адкрыў тэлефонную лінію па пытаннях прымянення ўказа аб развіцці гандлю і грамадскага харчавання

Эканоміка 09.01.2018 | 19:34
Фота з архіва
Фота з архіва

9 студзеня, Мінск /Юлія Дылянок - БЕЛТА/. Міністэрства антыманапольнага рэгулявання і гандлю адкрыла тэлефонную лінію па пытаннях прымянення ўказа нумар 345 "Аб развіцці гандлю, грамадскага харчавання і бытавога абслугоўвання". Аб гэтым паведаміла сёння журналістам начальнік упраўлення гандлю, прамысловага і аграпрамысловага комплексу МАРГ Віялета Бразоўская, перадае карэспандэнт БЕЛТА.

"З сённяшняга дня міністэрствам арганізавана работа гарачай тэлефоннай лініі па пытаннях прымянення норм указа нумар 345. Справа ў тым, што ў адпаведнасці з інфармацыяй, якая ёсць у нас у распараджэнні, мясцовыя органы ўлады пакуль недастаткова працуюць з нормамі гэтага ўказа. Мы хочам разабрацца, чаму. Паколькі самае галоўнае ў новым нарматыўным прававым акце - гэта практыка яго прымянення", - адзначыла Віялета Бразоўская. Гарачая лінія ў міністэрстве адкрыта ў рабочыя дні з 8.00 да 13.00 і з 14.00 да 17.00. Званіць па нумары + 375-17-200-92-02.

Яна падкрэсліла, што неабходна правесці шырокую інфармацыйную работу, каб ініцыятыўныя людзі ведалі, як скарыстацца прадастаўленымі заканадаўствам перавагамі.

"У лістападзе МАРГ правёў вялікую колькасць семінараў з удзелам усіх раёнаў. Удзел у іх прынялі ўсе куратары ў сферы гандлю і грамадскага харчавання. Усе добра ведаюць, што ўказ пачаў дзейнічаць, яго трэба прымяняць. Аблсаветамі прыняты рашэнні па тэрыторыях, на якія распаўсюджваецца дзеянне ўказа. Наступны крок - даць зразумець бізнесу, як працуе дакумент. Пры дапамозе гарачай лініі мы хочам даведацца, з якімі праблемамі сутыкаецца бізнес пры прымяненні норм указа", - расказала Віялета Бразоўская.

Таксама яна паведаміла, што МАРГ распрацоўвае метадычны дапаможнік, у якім простай і зразумелай мовай будуць выкладзены ўсе этапы адкрыцця аб'екта гандлю, грамадскага харчавання і бытавога абслугоўвання: "Гэта будзе пакрокавая інструкцыя, куды пайсці, каб адкрыць той ці іншы аб'ект, куды напісаць заяву, як набыць маёмасць, што і дзе ўзгадніць. Метадычка будзе размешчана ў нас на сайце".

Віялета Бразоўская адзначыла, што МАРГ плануе накіраваць у аблвыканкамы пісьмы з просьбай размясціць на афіцыйных сайтах кожнага раёна, тэрыторыі якога падпалі пад дзеянне ўказа, сам дакумент і каментарыі міністэрства ў яго развіццё.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сяўба азімых збожжавых 2018 У верасні ў гаспадарках рэспублікі пачынаецца сяўба азімых культур. Усяго пад засеў азімымі збожжавымі адведзена 1 309,3 тыс. га.