Мабільная версія
ДЗЯРЖОРГАНЫ
Апошнія навіны
Усе навіны

Маларыцкі кансервавы камбінат паставіць у Кітай першую партыю дзіцячага харчавання

Эканоміка 13.06.2018 | 15:47
Фота з архіва
Фота з архіва

13 чэрвеня, Брэст /Кар. БЕЛТА/. ААТ "Маларыцкі кансервава-агароднінасушыльны камбінат" заключыла дагавор аб пастаўцы ў Кітай першай партыі дзіцячага харчавання. Аб гэтым паведаміла журналістам намеснік дырэктара прадпрыемства Людміла Вазнасіменка, перадае карэспандэнт БЕЛТА.

"Вясной адбылася сустрэча з кітайскімі партнёрамі. Яны пабывалі на нашым заводзе, азнаёміліся з працэсам выпуску дзіцячага харчавання, прадэгуставалі прадукцыю. Узнікла вялікая зацікаўленасць, паколькі мы выкарыстоўваем натуральную айчынную сыравіну. Дамовіліся аб пастаўках. Гэтымі днямі адгружаем пробную партыю дзіцячага харчавання. Спадзяёмся на доўгатэрміновае супрацоўніцтва", - адзначыла Людміла Вазнасіменка. Кансервавы камбінат адправіць у Кітай дзіцячае харчаванне ў гібкай упакоўцы, а таксама ў шкляной тары аб'ёмам 100 г і 190 г.

Прадукцыя завода таксама зацікавіла прадстаўнікоў В'етнама. У Брэсцкай вобласці з двухдзённым візітам знаходзіцца дэлегацыя правінцыі Лаакай. На базе Брэсцкага навукова-тэхналагічнага парка сёння арганізавана сустрэча з прадпрыемствамі-экспарцёрамі рэгіёна. "Прадстаўнікі дэлегацыі пакаштавалі нашу прадукцыю, зацікавіліся ёю. Запрасілі паўдзельнічаць у выстаўцы дзіцячага харчавання, якая пройдзе ў В'етнаме ў снежні. Нас напэўнілі, што гэта прадукцыя будзе запатрабавана. Будзем наладжваць супрацоўніцтва, весці далейшыя перагаворы. Мы зацікаўлены ў выхадзе на новыя рынкі", - падкрэсліла намеснік дырэктара прадпрыемства.

Патэнцыяльным партнёрам сваю прадукцыю ў тым ліку прадставілі мяса- і малакаперапрацоўчыя прадпрыемствы, "Берасцейскі пекар", "Першая шакаладная кампанія", "Брэсцкае піва", Брэсцкі лікёра-гарэлачны завод. Кіраўнік дэлегацыі - старшыня Народнага камітэта правінцыі Лаакай Данг Суан Фонг - адзначыў высокую якасць тавараў беларускай вытворчасці.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).