Мабільная версія
ДЗЯРЖОРГАНЫ
Апошнія навіны
Усе навіны

Мадэнаглу пацвердзіў падтрымку хутчэйшаму ўступленню Беларусі ў СГА

Эканоміка 12.09.2017 | 19:00
Андрэй Еўдачэнка і Кемаль Мадэнаглу. Фота МЗС
Андрэй Еўдачэнка і Кемаль Мадэнаглу. Фота МЗС

12 верасня, Мінск /Кар. БЕЛТА/. Старшыня рабочай групы па далучэнні Беларусі да СГА, пастаянны прадстаўнік Турцыі пры СГА Кемаль Мадэнаглу адзначыў значную актывізацыю перагавораў Беларусі і пацвердзіў падтрымку хутчэйшаму ўступленню краіны ў Арганізацыю. На гэтым была акцэнтавана ўвага 12 верасня ў час яго сустрэчы з першым намеснікам міністра замежных спраў Беларусі Андрэем Еўдачэнкам, паведамілі БЕЛТА ў прэс-службе МЗС.

У знешнепалітычным ведамстве расказалі, што 11-15 верасня ў Жэневе (Швейцарыя) беларуская дэлегацыя на чале з Андрэем Еўдачэнкам прымае ўдзел у чарговым раўндзе перагавораў па далучэнні Беларусі да Сусветнай гандлёвай арганізацыі. Так, прайшла сустрэча з Кемалем Мадэнаглу і выконваючым абавязкі дырэктара дэпартамента па далучэнні новых краін Сакратарыята СГА Маіка Ашыкава.

Бакі абмеркавалі сітуацыю ў перагаворным працэсе па далучэнні Беларусі да СГА і ход падрыхтоўкі да 9-га пасяджэння рабочай групы. Узаемна быў адзначаны дасягнуты з пачатку гэтага года прагрэс Беларусі ў працэсе далучэння да СГА, у тым ліку распаўсюджванне першага праекта даклада рабочай групы і завяршэнне двухбаковых перагавораў з шэрагам краін - членаў СГА. Андрэй Еўдачэнка перадаў запрашэнне міністра замежных спраў Беларусі Уладзіміра Макея старшыні рабочай групы і супрацоўнікам дэпартамента па далучэнні новых краін Сакратарыята СГА наведаць Мінск у 2017 годзе.

У той жа дзень у Жэневе быў таксама падпісаны пратакол аб завяршэнні двухбаковых перагавораў па доступе на рынак тавараў з Эквадорам.

Ад імя ўрада Беларусі дакумент падпісаны першым намеснікам міністра замежных спраў, ад імя ўрада Эквадора - пастаянным прадстаўніком пры СГА Дыегам Аўлесціа Валенсам. Бакі выказалі надзею, што далучэнне Беларусі да СГА будзе садзейнічаць далейшаму пашырэнню гандлёва-эканамічнага супрацоўніцтва як паміж дзвюма краінамі, так і паміж Эквадорам і Еўразійскім эканамічным саюзам.

Эквадор стаў 13-м членам СГА, з якім Беларусь завяршыла двухбаковыя перагаворы па далучэнні да арганізацыі. У той жа дзень была дасягнута прынцыповая згода аб завяршэнні да канца 2017 года перагавораў па доступе на рынак тавараў з Эль-Сальвадорам.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Пробны перапіс насельніцтва У Маладзечанскім раёне Мінскай вобласці 2-13 кастрычніка пройдзе пробны перапіс насельніцтва, які стане падрыхтоўчым этапам перапісу насельніцтва Беларусі 2019 года. Прайсці апытанне можна дома і на стацыянарных участках.