Сцяг Пятніца, 29 сакавіка 2024
Усе навіны
Усе навіны
Эканоміка
28 кастрычніка 2016, 10:16

Краіны ЕАЭС змаглі ў значнай меры рушыць наперад да стратэгічных мэт саюза - Кабякоў

28 кастрычніка, Мінск /Кар. БЕЛТА/. Краіны ЕАЭС змаглі ў значнай меры рушыць наперад да стратэгічных мэт функцыянавання саюза. Аб гэтым заявіў 27 кастрычніка прэм'ер-міністр Беларусі Андрэй Кабякоў на пасяджэнні Еўразійскага міжурадавага савета ў пашыраным складзе, перадае карэспандэнт БЕЛТА.

"Бягучы 2016 год надзвычай няпросты і напружаны як у развіцці нашых эканомік, так і ў станаўленні Еўразійскага эканамічнага саюза, - сказаў Андрэй Кабякоў. - Абнадзейвае, што па шэрагу важных напрамкаў у гэтых складаных умовах нам удалося або дабіцца канкрэтных пазітыўных вынікаў, або ў значнай меры рушыць наперад да стратэгічных мэт функцыянавання саюза, замацаваных у дагаворы аб ЕАЭС ад 29 мая 2014 года".

З 1 студзеня 2016 года запушчана рэалізацыя лібералізацыі кабатажных перавозак грузаў аўтатранспартам. Пачата рэалізацыя асноўных напрамкаў прамысловага супрацоўніцтва ў ЕАЭС. У бягучым годзе адобраны канцэпцыі фарміравання агульнага рынку газу, нафты і нафтапрадуктаў ЕАЭС. "Прыняцце гэтых канцэпцый з'яўляецца толькі першым крокам на шляху фарміравання агульных рынкаў энергарэсурсаў саюза ў перыяд з 2019 да 2025 года", - падкрэсліў прэм'ер-міністр.

У ЕАЭС распрацаваны і прыняты тэхрэгламенты, якія даюць магчымасць устанаўліваць аптымальныя патрабаванні для забеспячэння неабходнага ўзроўню бяспекі прадукцыі, што абарачаецца на адзіным рынку.

Андрэй Кабякоў выказаў упэўненасць у тым, што сустрэча кіраўнікоў урадаў ЕАЭС у Мінску ўнясе сур'ёзны ўклад у развіццё еўразійскай эканамічнай інтэграцыі. Прэм'ер-міністр Беларусі падзякаваў калегам за падтрымку прапановы Беларусі падысці да існуючых праблем функцыянавання ЕАЭС у самым рэалістычным рэчышчы. "З улікам колькасці пытанняў, якія патрабуюць разгляду і абмеркавання, наша сустрэча вельмі своечасовая. Перад снежаньскім самітам прэзідэнтаў мы падводзім своеасаблівы прамежкавы вынік", - рэзюмаваў ён.-0-

Падпісвайцеся на нас у
Twitter
Топ-навіны
Свежыя навіны Беларусі