Мабільная версія
ДЗЯРЖОРГАНЫ
Апошнія навіны
Усе навіны

Кожны ўкладзены ў сельскую гаспадарку долар прыносіць трайную выручку - Заяц

Эканоміка 31.08.2017 | 18:03
Леанід Заяц. Фота з архіва
Леанід Заяц. Фота з архіва

31 жніўня, Мінск /Кар. БЕЛТА/. Кожны ўкладзены ў сельскую гаспадарку долар прыносіць трайную выручку. Аб гэтым заявіў сёння журналістам міністр сельскай гаспадаркі і харчавання Леанід Заяц па выніках даклада Прэзідэнту Беларусі Аляксандру Лукашэнку, перадае карэспандэнт БЕЛТА.

"Дзякуючы тым укладанням, якія ішлі з боку дзяржавы ў аграпрамысловы комплекс, быў стабілізаваны харчовы рынак у нашай рэспубліцы і была дадзена магчымасць краіне зарабіць даволі добрыя грошы. За пяцігодку бюджэтная падтрымка аграпрамысловага комплексу склала $8,3 млрд, валютная выручка - $27 млрд. Гэта ж грошы. Кожны долар, укладзены ў сельскую гаспадарку, прыносіць дадатковую выручку ў памеры тры долары", - сказаў Леанід Заяц.

Паводле яго слоў, за сем месяцаў 2017 года прадпрыемствы сістэмы Мінсельгасхарча рэалізавалі прадукцыі на $1,5 млрд, тэмп росту склаў 116 працэнтаў. Вырасла таксама рэнтабельнасць продажаў (з 2,9 працэнта ў мінулым годзе да 6,8 працэнта ў бягучым), на трэць знізілася колькасць стратных прадпрыемстваў. "Па выніках работы бягучага года мы чакаем яшчэ лепшых зрухаў, таму што мы ў тры разы больш намалацілі алейнага семя рапсу, больш атрымаем цукровых буракоў, агародніны, лёну. Гэта, безумоўна, паўплывае на эканамічныя паказчыкі сельгаспрадпрыемстваў нашай рэспублікі", - адзначыў міністр.

Віцэ-прэм'ер Міхаіл Русы і міністр сельскай гаспадаркі і харчавання Леанід Заяц далажылі сёння Прэзідэнту Беларусі Аляксандру Лукашэнку аб папярэдніх рэзультатах уборачнай кампаніі. На сустрэчы было адзначана, што Беларусь на сённяшні дзень ужо мае магчымасць экспартаваць да 1 млн т збожжа, аднак перш за ўсё трэба забяспечыць харчовую бяспеку краіны і кармавыя запасы. Астатняе ўжо можна прадаваць у выглядзе прадукцыі з дабаўленай вартасцю, так удасца атрымаць найбольшую выгаду.

Кіраўнік дзяржавы нагадаў, што ўраджай у бягучым годзе павінен скласці 10 млн т збожжа з улікам рапсу і кукурузы. Ён таксама пацікавіўся, як рэалізуюцца яго даручэнні па рэканструкцыі і будаўніцтве малочнатаварных комплексаў, забеспячэнні захаванасці кармоў. Асаблівая ўвага была ўдзелена сяўбе азімых і закупкам сельскагаспадарчай прадукцыі ў насельніцтва.

Як расказаў Леанід Заяц, у Беларусі збожжа абмалочана на плошчы 2,06 тыс. га, або на 96 працэнтах ад пасеянага. Валавы намалот склаў 7,361 млн т, ураджайнасць - 35,7 ц/га, што на 2,2 ц больш за мінулагодні паказчык. Асобна міністр паведаміў аб ураджайнасці лёну. Ільнозаводы будуць забяспечаны патрэбнай колькасцю сыравіны, каб вырабіць не менш як 50 тыс. т ільновалакна. Гэта дасць магчымасць выканаць дзяржзаказ для прадпрыемстваў і забяспечыць экспартныя запасы.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск