Мабільная версія
ДЗЯРЖОРГАНЫ
Апошнія навіны
Усе навіны

Канцэпцыя рэфармавання падатковай сістэмы на сярэднетэрміновую перспектыву распрацоўваецца ў Беларусі

Эканоміка 12.02.2018 | 11:51

12 лютага, Мінск /Кар. БЕЛТА/. Канцэпцыя рэфармавання падатковай сістэмы на сярэднетэрміновую перспектыву распрацоўваецца ў Беларусі. Аб гэтым паведаміў старшыня Савета па развіцці прадпрымальніцтва Аляксандр Турчын у эфіры тэлеканала "Беларусь 1", паведамляе БЕЛТА.

Аляксандр Турчын адзначыў, што пастаўлена задача адначасова з новай рэдакцыяй Падатковага кодэкса ўнесці на разгляд кіраўніка дзяржавы і канцэпцыю далейшага развіцця падатковай сістэмы. "Паралельна вядзецца работа над канцэпцыяй рэфармавання падатковай сістэмы на сярэднетэрміновую перспектыву, нашы эксперты прадставілі ўжо прапановы ўраду. Гэта сур'ёзны і працяглы працэс, мы павінны вызначыцца, да чаго ў далейшым імкнёмся. Можа, ад якіх-небудзь падаткаў неабходна адмовіцца, нейкія іншыя рэчы трэба зрабіць. Безумоўна, трэба закрануць фонд сацыяльнай абароны, таму што сёння для бізнесу гэта даволі сур'ёзная нагрузка", - сказаў Аляксандр Турчын.

Адносна новага Падатковага кодэкса Аляксандр Турчын адзначыў, што гэты дакумент спросціць вядзенне бухуліку для прадпрымальнікаў. "Для бізнесмена-пачаткоўца ўсё павінна быць проста і зразумела. На жаль, цяпер атрымліваецца як - дзейнічае спрошчаная сістэма падаткаабкладання, але з іншага боку, калі ёсць наёмныя асобы, то неабходна заплаціць падаходны падатак, унесці сродкі ў фонд сацыяльнай абароны насельніцтва. Само вядзенне гэтага ўліку даволі складанае, а чалавеку павінна быць усё зразумела, каб ён не памыляўся", - падкрэсліў старшыня Савета па развіцці прадпрымальніцтва.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Міжнародны форум "Мінскі дыялог" Экспертная ініцыятыва "Мінскі дыялог" пачала работу ў сакавіку 2015 года. Місія ініцыятывы - прадастаўляць адкрытую і геапалітычна нейтральную пляцоўку для даследаванняў і дыскусій у галіне міжнародных адносін і бяспекі ва Усходняй Еўропе.