25 ліпеня, Барысаў /Кар. БЕЛТА/. Эканамічны патэнцыял буйных рэгіянальных цэнтраў, у тым ліку Аршанскага і Барысаўскага раёнаў, выкарыстоўваецца недастаткова. Такое меркаванне выказаў прэм'ер-міністр Беларусі Андрэй Кабякоў на выязным пасяджэнні Прэзідыума Савета Міністраў па пытаннях развіцця Барысаўскага раёна, перадае карэспандэнт БЕЛТА.
"Перш за ўсё адзначу, што выязны Прэзідыум Савета Міністраў у Барысаўскім раёне не выкліканы нейкімі надзвычайнымі падзеямі або сітуацыяй. Кіраўнік дзяржавы паставіў ураду задачу прыняць неабходныя меры па развіцці буйных рэгіянальных цэнтраў - такіх як Орша, Барысаў, Баранавічы, Бабруйск. Урад вызначыў для сябе наступны фармат работы - вывучэнне праблем на месцах і іх разгляд на выязным пасяджэнні Прэзідыума", - адзначыў Андрэй Кабякоў.
Пры гэтым пытанні развіцця рэгіёна, задзейнічання рэзерваў для вырашэння сацыяльна-эканамічных задач разглядаюцца комплексна: як з пункту гледжання вытворчай сферы, так і вырашэння сацыяльных пытанняў, пры прамым удзеле непасрэдных выканаўцаў.
"У маі дэталёва разгледзелі Аршанскі раён, цяпер Барысаў. Гэта раёны, якія валодаюць значным патэнцыялам, які не задзейнічаны ў поўнай меры ў іх эканамічным развіцці. Такая работа будзе прадоўжана і ў іншых рэгіёнах", - дадаў прэм'ер-міністр.-0-
