Мабільная версія
ДЗЯРЖОРГАНЫ
Апошнія навіны
Зіма ў Налібоцкай пушчы
Учора 17:31 Фотарэпартаж
Усе навіны

ІП і юрыдычныя асобы атрымалі льготы для адкрыцця магазінаў і аб'ектаў грамадскага харчавання ў вёсцы

Эканоміка 03.01.2018 | 12:00

3 студзеня, Мінск /Кар. БЕЛТА/. З 1 студзеня 2018 года па 31 снежня 2022 года прадпрымальнікам, якія працуюць у сферах гандлю, грамадскага харчавання і бытавога абслугоўвання ў вёсцы і ў сярэдніх і малых гарадах, прадастаўлены льготы. Гэта прадугледжана ўказам ад 22 верасня 2017 года "Аб развіцці гандлю, грамадскага харчавання і бытавога абслугоўвання", паведамляе БЕЛТА.

Пад сельскай мясцовасцю ва ўказе разумеюцца населеныя пункты колькасцю насельніцтва да 2 тыс. чалавек, пад сярэднімі і малымі гарадскімі паселішчамі - колькасцю ад 2 тыс. да 10 тыс. чалавек. Працуючым у вёсцы прадугледжаны льготы для гандлю, грамадскага харчавання і бытавога абслугоўвання, у сярэдніх і малых гарадскіх паселішчах - для грамадскага харчавання і бытавога абслугоўвання. Пры дзейнасці ў вёсцы ўказ распаўсюджваецца на ІП і юрыдычныя асобы, у малых гарадах - на ІП і мікраарганізацыі.

Ільготы можна атрымаць пры адкрыцці магазінаў, павільёнаў, кіёскаў, палатак, аўтамагазінаў, гандлёвых месц на рынках і кірмашах, аб'ектаў грамадскага харчавання і бытавога абслугоўвання. У іх ліку - вызваленне ад ПДВ, паніжаныя стаўкі па падатку на прыбытак (6 працэнтаў) і падаходным падатку з фізасоб (6 працэнтаў). Стаўка адзінага падатку для ІП за месяц складзе 1 базавую велічыню. Працуючыя ў сельскай мясцовасці і малых гарадах поўнасцю вызвалены ад падатку на нерухомую маёмасць і ад зямельнага падатку, а таксама арэнднай платы за зямельныя ўчасткі.

Суб'екты гаспадарання, у тым ліку індывідуальныя прадпрымальнікі, маюць права набываць аб'екты нерухомай маёмасці без правядзення аўкцыёну па рыначным кошце, прадаваць алкагольныя напіткі ў вёсцы ў магазінах незалежна ад гандлёвай плошчы, а юрыдычныя асобы - і ў аўтамагазінах пры ўзгадненні маршруту і асартыменту. Раней ІП было забаронена прадаваць алкаголь у розніцы, яны могуць гэта рабіць толькі ў аб'ектах грамадскага харчавання.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Аб'ёмы продажаў тавараў народнага спажывання ў 2017 годзе Нацыянальны статыстычны камітэт падвёў вынікі работы арганізацый гандлю ў 2017 годзе. У табліцы прыведзены аб'ёмы продажаў тавараў у параўнанні з узроўнем 2016 года ў супастаўных цэнах.