Мабільная версія
ДЗЯРЖОРГАНЫ
Апошнія навіны
Усе навіны

Fitch пацвердзіла рэйтынгі Беларусбанка, Белінвестбанка і Банка развіцця на ўзроўні "B"

Эканоміка 19.06.2018 | 14:27
Фота з архіва
Фота з архіва

19 чэрвеня, Мінск /Кар. БЕЛТА/. Агенцтва Fitch Ratings пацвердзіла доўгатэрміновыя рэйтынгі дэфолту эмітэнта (РДЭ) трох беларускіх банкаў у дзяржаўнай уласнасці - Беларусбанка, Белінвестбанка і Банка развіцця (БРРБ) - на ўзроўні "B" са стабільным прагнозам, паведамляе БЕЛТА са спасылкай на прэс-рэліз агенцтва.

Рэйтынгі банкаў на адным узроўні з адпаведнымі суверэннымі доўгатэрміновымі РДЭ ўлічваюць меркаванне агенцтва аб высокай гатоўнасці дзяржавы прадаставіць падтрымку гэтым арганізацыям у выпадку неабходнасці.

Меркаванне Fitch заснавана на мажарытарнай уласнасці дзяржавы (Дзяржкаммаёмасць валодае 98,76 працэнта ў Беларусбанку і 97,48 працэнта ў Белінвестбанку, Савет Міністраў - 95,473 працэнта ў БРРБ) і прымае пад увагу нагляд з боку высокапастаўленых дзяржаўных службовых асоб праз прадстаўніцтва ў наглядальных саветах гэтых банкаў. Яно таксама ўлічвае высокую сістэмную значнасць банкаў, асабліва Беларусбанка, ролю банкаў у праводзімай палітыцы (вызначаную на заканадаўчым узроўні для БРРБ, але таксама значную ў Беларусбанка), субсідыярную адказнасць дзяржавы па аблігацыях БРРБ, а таксама гісторыю падтрымкі, якая прадастаўлялася ў розных формах (узносы ў капітал, выкуп "дрэнных" крэдытаў, прадастаўленне ліквіднасці і г.д.). Разам з тым нізкія узроўні рэйтынгаў прадаўжаюць адлюстроўваць абмежаваную здольнасць улад прадастаўляць падтрымку банкам.

Падтрымка капіталам раней прадастаўлялася ўсім тром банкам. Апошні раз Беларусбанк і БРРБ атрымлівалі ўзносы ў асноўны капітал у 2015 годзе, а Белінвестбанк канверсаваў субардынаваны доўг, трымальнікам якога была дзяржава, у асноўны капітал у 2016 годзе. Беларусбанк і Белінвестбанк таксама ў некаторай ступені зведалі пазітыўны ўплыў ад перадачы "дрэнных" крэдытаў, часткова ў БРРБ, у апошнія гады.

БРРБ чакае ўзнос у асноўны капітал ад дзяржавы на працягу 2018 года. На думку Fitch, планы дзяржавы адносна ўваходу Еўрапейскага банка рэканструкцыі і развіцця ("ААА"/прагноз "стабільны") у капітал Белінвестбанка з 25-працэнтнай доляй не прывядуць да істотнага змянення гатоўнасці ўлад падтрымліваць банк, пакуль дзяржава валодае кантрольнай доляй, пры гэтым нельга выключаць пэўную падтрымку перад продажам.

РДЭ банкаў могуць быць павышаны ў выпадку павышэння рэйтынгаў Беларусі або паніжаны ў выпадку паніжэння суверэнных рэйтынгаў. Акрамя таго, РДЭ банкаў могуць быць паніжаны і, адпаведна, стануць ніжэйшыя за суверэнны рэйтынг, калі своечасовая падтрымка не будзе аказана ў выпадку яе неабходнасці або калі кошт патэнцыяльнай падтрымкі істотна павялічыцца адносна здольнасці дзяржавы прадаставіць яе.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).