Мабільная версія
ДЗЯРЖОРГАНЫ
Апошнія навіны
Усе навіны

Фармгаліна Беларусі прэзентавана на міжнародным бізнес-форуме ў Таджыкістане

Эканоміка 16.05.2018 | 15:31

16 мая, Мінск /Кар. БЕЛТА/. Фармацэўтычная галіна Беларусі прэзентавана на міжнародным бізнес-форуме "Беларусь - Таджыкістан - Афганістан". Такая інфармацыя размешчана на сайце Міністэрства аховы здароўя са спасылкай на начальніка аддзела знешніх сувязей міністэрства Анатоля Грушкоўскага, паведамляе БЕЛТА.

У час візіту Прэзідэнта Беларусі Аляксандра Лукашэнкі дэлегацыя Міністэрства аховы здароўя на чале з міністрам аховы здароўя Валерыем Малашкам знаходзіцца ў Душанбэ. Тут праходзяць вялікія мерапрыемствы, прысвечаныя Беларусі. Сярод іх другі міжнародны бізнес-форум "Беларусь - Таджыкістан - Афганістан", у ходзе якога генеральны дырэктар кіруючай кампаніі холдынга "Белфармпрам" Валерый Шаўчук выступіў з прэзентацыяй фармацэўтычнай галіны Беларусі. Прайшлі перагаворы з буйнейшымі таджыкскімі і афганскімі фармацэўтычнымі кампаніямі.

Раней Валерый Малашка і міністр аховы здароўя і сацыяльнай абароны насельніцтва Таджыкістана Насім Хаджа Алімзада на сустрэчы абмеркавалі такія пытанні, як абмен вопытам у галіне аховы здароўя, лячэнне таджыкскіх грамадзян у вядучых РНПЦ Беларусі, навучанне студэнтаў у беларускіх ВНУ, пастаўкі лякарстваў на таджыкскі рынак.

У час візіту зроблены рэальныя крокі для паглыблення супрацоўніцтва ў галіне адукацыі. Так, падпісаны пагадненні паміж Міністэрствам аховы здароўя Беларусі і Міністэрствам аховы здароўя і сацыяльнай абароны насельніцтва Таджыкістана, Беларускім дзяржаўным медуніверсітэтам і Таджыкскім дзяржаўным медуніверсітэтам.

У сталіцы Таджыкістана Душанбэ 15 мая афіцыйна адкрылася Нацыянальная выстаўка Беларусі, на якой прадстаўлены вядучыя фармацэўтычныя арганізацыі, вытворцы медыцынскага абсталявання і ўстановы аховы здароўя.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Будаўніцтва жылля ў Беларусі У студзені-красавіку 2018 года арганізацыямі ўсіх форм уласнасці пабудавана 12,9 тыс. кватэр. Уведзена ў эксплуатацыю 1 147,5 тыс. кв.м агульнай плошчы жылля.