Мабільная версія
ДЗЯРЖОРГАНЫ
Апошнія навіны
Усе навіны

ЕАЭС і Грэцыя могуць эфектыўна супрацоўнічаць у легпраме, авіябудаванні, фармацэўтыцы - Сідорскі

Эканоміка 12.09.2017 | 11:19
Сяргей Сідорскі. Фота з архіва
Сяргей Сідорскі. Фота з архіва

12 верасня, Масква /Эдуард Півавар - БЕЛТА/. Лёгкая і тэкстыльная прамысловасць, авія- і суднабудаванне, вытворчасць абсталявання і фармацэўтыка - гэта тыя галіны, у якіх прамысловыя прадпрыемствы Еўразійскага эканамічнага саюза (ЕАЭС) і Грэцыі могуць паспяхова і эфектыўна супрацоўнічаць. Аб гэтым заявіў член Калегіі (міністр) па прамысловасці і аграпрамысловым комплексе Еўразійскай эканамічнай камісіі (ЕЭК) Сяргей Сідорскі ў Салоніках на форуме "ЕАЭС - Грэцыя", паведамілі БЕЛТА ў прэс-службе ЕЭК.

Тавараабарот ЕАЭС з Грэцыяй у 2016 годзе склаў каля $4 млрд. Павелічэнню гэтага паказчыка і нарошчванню гандлёва-эканамічных сувязей паміж ЕАЭС і Грэцыяй будуць садзейнічаць пастаўкі ў Грэцыю прадукцыі, у вытворчасці якой асабліва моцныя дзяржавы інтэграцыйнага аб'яднання, а менавіта тавараў сельгасмашынабудавання, лёгкай прамысловасці, хіміі, біятэхналогій, металургіі, станкабудавання, радыёэлектронікі, мэблевай галіны. "Сумеснымі намаганнямі можна дасягнуць новых вышынь і дыверсіфікацыі тавараабароту паміж нашымі краінамі. Рэзервы, безумоўна, ёсць і па лініі інвестыцыйнага супрацоўніцтва. Еўразійскі эканамічны саюз адкрыты для ўзаемавыгаднага супрацоўніцтва з Грэцыяй у мэтах выбудоўвання эфектыўнага, стабільнага і канкурэнтнага ўзаемадзеяння", - падкрэсліў міністр ЕЭК.

Сяргей Сідорскі адзначыў, што паглыбленне інвестыцыйнага супрацоўніцтва з замежнымі краінамі, прыцягненне інвестыцый у развіццё і мадэрнізацыю прамысловага і аграпрамысловага комплексаў краін ЕАЭС мае вельмі важнае значэнне. Прамысловасць і АПК дзяржаў - членаў ЕАЭС гатовы да абмену тэхналогіямі, вопытам у сферы інавацый. Такім чынам, могуць быць вырашаны задачы па вытворчасці на тэрыторыі ЕАЭС высокатэхналагічнай прадукцыі, з далейшымі пастаўкамі яе на экспарт у трэція краіны.

"Паводле нашых ацэнак, найбольшым кааперацыйным патэнцыялам валодаюць такія сістэмаўтваральныя галіны, як машынабудаванне, металургічная вытворчасць і вытворчасць гатовых металічных вырабаў, хімічная прамысловасць, апрацоўка драўніны і вытворчасць вырабаў з дрэва, вытворчасць пластмасавых вырабаў, а таксама лёгкая і харчовая прамысловасць, - пералічыў Сяргей Сідорскі. - Прычым першыя тры галіны вельмі запатрабаваны на рынках трэціх краін, што дае магчымасць убудоўваць іх прадукцыю ў міжнародныя вытворчыя ланцужкі".-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як мяняліся стаўкі па крэдытах для фізічных асоб З-за зніжэння кошту крэдытаў вырасла крэдытная актыўнасць фізічных асоб. На 1 лістапада 2017 года запазычанасць па крэдытах фізасоб склалася на ўзроўні Br8,5 млрд і вырасла з пачатку года на 18,7%.