27 мая, Мінск /Кар. БЕЛТА/. Органы дзяржаўнага кіравання Беларусі пачалі распрацоўку праекта рэспубліканскага бюджэту на 2017 год, заявіў сёння першы намеснік міністра фінансаў Максім Ермаловіч, адказваючы на пытанні дэпутатаў на сумесным пасяджэнні дзвюх палат беларускага парламента, перадае карэспандэнт БЕЛТА.
"Мы толькі пачынаем распрацоўку праекта рэспубліканскага бюджэту. Прадстаўнікі дэпутацкага корпуса ўдзельнічаюць у гэтым пытанні. На цяперашнім этапе ідзе работа над выпрацоўкай асноўных паказчыкаў макраэканамічнага прагнозу на 2017 год", - адзначыў Максім Ермаловіч.
Адносна аб'ёмаў даходаў і іх размеркавання першы намеснік міністра сказаў, што пакуль аб канкрэтных лічбах гаварыць рана.
Раней міністр фінансаў Уладзімір Амарын адзначаў, што бюджэт на 2017 год плануецца бездыфіцытным.
Акрамя таго, Беларусь упершыню рэалізуе трохгадовае бюджэтнае планаванне. На думку першага намесніка міністра эканомікі Аляксандра Забароўскага, адсутнасць такога планавання ў эканамічнай палітыцы контрпрадукцыйна, гэта не дае магчымасці бачыць тыя абмежаванні, якія ўзнікаюць, калі рэалізуюцца шокі.-0-
