Мабільная версія
ДЗЯРЖОРГАНЫ
Апошнія навіны
Усе навіны

Дзяржкаммаёмасць вызначыла пералік з 43 прадпрыемстваў для прыватызацыі ў 2018 годзе

Эканоміка 20.02.2018 | 13:40
Фота з архіва
Фота з архіва

20 лютага, Мінск /Вера Сяргеева - БЕЛТА/. Вызначаны пералік з 43 беларускіх прадпрыемстваў для прыватызацыі ў 2018 годзе. Аб гэтым паведаміў сёння журналістам старшыня Дзяржаўнага камітэта па маёмасці Андрэй Гаеў, перадае карэспандэнт БЕЛТА.

"Штогод з міністэрствамі складаецца рабочы пералік для прыватызацыі, прыходу інвестараў. У гэтым годзе падрыхтаваны абноўлены пералік з 43 акцыянерных таварыстваў і ўнітарных прадпрыемстваў. У пэўнай частцы пералік паўтарае склад прадпрыемстваў, якія былі ўключаны ў пералік папярэдняга года, было вызначана 34 акцыянерныя таварыствы. Адпрацоўваем гэтыя пералікі і з прадпрымальніцкімі коламі, набыта можа быць любое прадпрыемства - было б жаданне", - сказаў Андрэй Гаеў.

Адказваючы на пытанне аб неабходнасці складання такіх пералікаў, старшыня Дзяржкаммаёмасці падкрэсліў, што яны разглядаюцца міжнароднымі рэйтынгавымі агенцтвамі як наяўнасць фармальнай магчымасці прыватызаваць тое ці іншае прадпрыемства, набыць пакет акцый. "Гэта работа неабходна. Прадстаўнікі замежнага бізнесу хочуць бачыць нешта фармалізаванае, яны не вельмі разумеюць выраз, калі прадаецца ўсё. Некаторыя лічаць, што калі прадаецца ўсё, значыць, не прадаецца нічога", - дадаў ён.

У мінулым годзе быў сфарміраваны пілотны пералік з 22 прадпрыемстваў, у акцыянерны капітал якіх прапаноўвалася ўвайсці кітайскім інвестарам. Андрэй Гаеў растлумачыў, што вялікай цікавасці з іх боку праяўлена не было. "Адносна "Гомсельмаша" праводзіліся перагаворы, але пакуль яны да выніку не прывялі. Пра рэальны вынік можна гаварыць адносна "Белдзяржпраекта", у акцыянерны капітал якога плануецца ўваходжанне кітайскіх партнёраў, 60 працэнтаў складзе іх доля, 40 працэнтаў - Рэспублікі Беларусь", - сказаў ён.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Павышэнне пенсій у Беларусі Праект указа аб павышэнні пенсій унесены на разгляд у Адміністрацыю Прэзідэнта. Прапануецца павышэнне пенсій на 5,3% з 1 лістапада.