6 верасня, Мінск /Надзея Мацвеева - БЕЛТА/. Для пераносу вытворчасці матацыклетнай і веласіпеднай тэхнікі разглядаецца некалькі пляцовак, паведаміў сёння на прэс-канферэнцыі старшыня Мінгарвыканкама Андрэй Шорац, перадае карэспандэнт БЕЛТА.
"Банкруцтва ААТ "Мотавела" - працэдура адзіная, якую можна правесці ў рамках існуючага заканадаўства, каб вырашыць прававыя пытанні. Створана ТАА "Мотавелазавод", якое займаецца выпускам мотавелатэхнікі. Таму цяпер стаіць пытанне, якім чынам і на якую пляцоўку перавесці існуючую вытворчасць", - сказаў Андрэй Шорац.
Сярод перспектыўных пляцовак разглядаюцца Кітайска-беларускі індустрыяльны парк "Вялікі камень", а таксама пляцоўкі іншых прампрадпрыемстваў прыдатныя па памерах і наяўнасці камунікацый.
Перспектывы развіцця тэрыторыі завода будуць разглядацца разам з банкамі ў рамках працэдуры банкруцтва. Пляцоўка 27 га ў цэнтры ўяўляе інтарэс для інвестараў. Адзін з варыянтаў - будаўніцтва тут аб'ектаў адміністрацыйнага, бытавога, гандлёвага прызначэння з кампенсацыяй затрат на перанос вытворчасці велапрадукцыі. Прапанова пакуль дэталёва не прапрацавана.-0-