Мабільная версія
ДЗЯРЖОРГАНЫ
Апошнія навіны
Усе навіны

Дацкі бізнес зацікаўлены інвесціраваць у Беларусь

Эканоміка 19.05.2017 | 16:57

19 мая, Гомель /Юлія Лысенка - БЕЛТА/. Інвестыцыйны клімат Беларусі камфортны для арганізацыі інвестарамі на яе тэрыторыі бізнесу. Такім меркаваннем сёння з журналістамі падзяліўся дырэктар беларуска-дацкай кампаніі "БайСтыл" Юрый Фірко, які ўдзельнічае ў Гомельскім эканамічным форуме, перадае карэспандэнт БЕЛТА.

Сёння на пленарным пасяджэнні форуму падпісаны інвестыцыйны дагавор аб стварэнні вытворчасці ў Мазырскім раёне з удзелам беларуска-дацкай кампаніі ТАА "БайСтыл". Інвестыцыйныя ўкладанні складуць $3 млн. На прадпрыемстве будзе створана каля 30 новых рабочых месц.

Сутнасць праекта заключаецца ў арганізацыі вытворчасці па нанясенні палімернага пакрыцця на металічныя паверхні. "Спецпакрыццё дасць магчымасць сталі на працягу 25 гадоў процістаяць умовам надвор'я, дэфармацыі, іншым механічным уздзеянням. Такая прадукцыя шырока прымяняецца ў будаўнічай і машынабудаўнічай галінах. Напрыклад, у вытворчасці металачарапіцы, сэндвіч-панэляў", - сказаў Юрый Фірко.

Невялікая аналагічная вытворчасць ужо існуе ў Беларусі. Аднак, паводле слоў інвестара, беларуска-дацкае прадпрыемства будзе ў разы большае. Запуск прадпрыемства запланаваны на другую палавіну 2018 года.

Юрый Фірко падкрэсліў, што Беларусь у якасці месца размяшчэння вытворчасці выбрана таму, што тут створаны прывабныя ўмовы для інвестараў-вытворцаў. "Беларусь для нас вельмі цікавы рынак яшчэ і за кошт агульнай мытнай прасторы з Расіяй і Казахстанам, таму стварэнне тут вытворчасці вельмі выгаднае ўкладанне", - канстатаваў ён.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Мінск уваходзіць у топ-3 гарадоў СНД для падарожжаў Аналітычнае агенцтва "ТурСтат" склала рэйтынг самых папулярных гарадоў СНД для расiйскиiх турыстаў летам 2017 года.