25 чэрвеня, Мінск /Кар. БЕЛТА/. Частковае аднаўленне экспарту беларускай нафты плануецца да канца чэрвеня, паведамілі карэспандэнту БЕЛТА ў прэс-службе канцэрна "Белнафтахім".
"Часткова аднавіць экспарт пасля прыпынення плануем да канца чэрвеня", - адзначылі ў канцэрне.
Прыпыненне было звязана з сітуацыяй вакол нафтаправода "Дружба".
Як паведамлялася, "Белнафтахім" 19 красавіка заявіў аб рэзкім пагаршэнні якасці расійскай нафты Urals, што паступае па трубаправодзе "Дружба". Колькасць хлорарганічных злучэнняў у саставе нафты перасягала ў дзясяткі разоў гранічныя значэнні па стандарце. Абодва беларускія нафтаперапрацоўчыя заводы - Мазырскі НПЗ і ААТ "Нафтан" - вымушаны былі знізіць загрузку магутнасцей і панеслі страты.
У Беларусі штогод здабываецца каля 1,6 млн т нафты, увесь аб'ём ідзе на экспарт. Здабычай займаецца "Беларуснафта".-0-
