Мабільная версія
ДЗЯРЖОРГАНЫ
Апошнія навіны
Усе навіны

Больш за 50 працэнтаў навінак тэхнікі павінна экспартавацца - Сямашка

Эканоміка 19.04.2017 | 15:54
Уладзімір Сямашка на прэзентацыі навінак камунальнай спецтэхнікі
Уладзімір Сямашка на прэзентацыі навінак камунальнай спецтэхнікі

19 красавіка, Мінск /Кар. БЕЛТА/. Больш за 50 працэнтаў новай тэхнікі, асвоенай беларускімі прадпрыемствамі, павінна экспартавацца. Аб гэтым заявіў намеснік прэм'ер-міністра Беларусі Уладзімір Сямашка сёння журналістам на прэзентацыі навінак камунальнай спецтэхнікі, арганізаванай на пляцоўцы ААТ "МАЗ", перадае карэспандэнт БЕЛТА.

"У Беларусі адкрытая эканоміка, таму больш за 70 працэнтаў вырабленага ВУП мы павінны прадаваць на экспарт. У гэтым выпадку краіна будзе забяспечана фінансавымі рэсурсамі для набыцця неабходнай сыравіны. Таму калі мы асвойваем новую тэхніку, мы ставім задачу экспартаваць больш за 50 працэнтаў", - сказаў ён. Тым самым вырашаюцца дзве мэты: імпартазамяшчэнне і экспарт. Асноўнымі перавагамі беларускай тэхнікі віцэ-прэм'ер назваў даступную цану, надзейнасць, якасць і функцыянальныя магчымасці.

У ходзе азнаямлення з навінкамі камунальнай спецтэхнікі ААТ "МАЗ" Уладзімір Сямашка падкрэсліў, што прэзентацыя арганізавана спецыяльна для камунальных службаў рэспублікі, якія павінны ўбачыць, якой сучаснай тэхнікай для ажыццяўлення іх работы валодаюць машынабудаўнічыя прадпрыемствы.

Гаворачы аб новай каналапрамывачнай машыне МАЗ, створанай на беларускім шасі з навясным абсталяваннем вядучай дацкай кампаніі, ён адзначыў, што такая кааперацыя - натуральны ход. У Беларусі няма вопыту ў вытворчасці такога абсталявання, а для рынку трэба прапанаваць якасны прадукт. "Ва ўсім свеце так робіцца: калі ў нас, напрыклад, нармальнае шасі, то знаходзіцца фірма-партнёр і купляецца надбудова", - дадаў намеснік прэм'ер-міністра. Дарэчы, МАЗ супрацоўнічае ў гэтым напрамку з многімі вядучымі еўрапейскімі і кітайскімі вытворцамі навяснога абсталявання.

Уладзімір Сямашка таксама нагадаў аб пачатку будаўніцтва завода па вытворчасці абсталявання для спецтэхнікі ў Кітайска-беларускім індустрыяльным парку "Вялікі камень", які пабудуе кампанія Zoomlion. Прадпрыемства будзе вырабляць усю гаму спецтэхнікі - краны рознай грузападымальнасці, вакуумна-падмятальныя, смеццеўборачныя машыны. Намечана забяспечыць поўную лакалізацыю вытворчасці. Гэта натуральны шлях, каб хутка і ўпэўнена ўвайсці ў новы для нас рынак, заўважыў ён.

Паводле слоў віцэ-прэм'ера, цяпер Беларусь выходзіць з крызісу і рэцэсіі, што ідзе пасля яго. Прамысловасць па выніках першага квартала спрацавала на 104,3 працэнта. "Гэта добры паказчык, хоць былі гады з больш высокімі паказчыкамі. Паводле даных ААН, у агульнасусветнай прамысловай вытворчасці доля Беларусі вырасла з 0,049 працэнта да 0,113 працэнта - рост адбыўся ў 2,3 раза", - праінфармаваў Уладзімір Сямашка. Ён прывёў у прыклад МАЗ, тэмп росту вытворчасці якога расце ў параўнанні з мінулым годам. У 2016 годзе ў дзеючых цэнах тэмп росту склаў 130 працэнтаў, у першым квартале бягучага года - 172 працэнты, па ІФА (індэксе фізічных аб'ёмаў) - на ўзроўні 137 працэнтаў. "Гэта сведчыць аб тым, што эканоміка Беларусі падымаецца і гэтым момантам трэба скарыстацца, каб вярнуцца на тыя рынкі, дзе мы стабільна працавалі, умацоўвацца на іх, а таксама асвойваць новыя", - рэзюмаваў намеснік прэм'ер-міністра.-0-

Фота Максіма Гучака.

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Зарплата ў жніўні Белстат апублікаваў даныя аб намінальнай налічанай сярэдняй заработнай плаце работнікаў у жніўні 2017 года па асобных відах эканамічнай дзейнасці.