19 чэрвеня, Мінск /Кар. БЕЛТА/. ЗАТ "Беларуска-швейцарскі банк "БСБ Банк" і адкрытае акцыянернае таварыства "Беларускі народны банк" (БНБ-Банк) заключылі пагадненне аб супрацоўніцтве па абслугоўванні кліентаў - фізічных асоб, паведамляе БЕЛТА са спасылкай на прэс-рэліз БСБ Банка.
Згодна з пагадненнем, БСБ Банк прапануе кліентам - фізічным асобам, у тым ліку ўладальнікам зарплатных праектаў, і індывідуальным прадпрымальнікам па спрошчанай працэдуры перавесці рахункі на абслугоўванне ў БНБ-Банк.
Пры гэтым кліенты і далей змогуць звяртацца ў БСБ Банк па пытаннях выпуску і суправаджэння картак БНБ-Банка, а таксама прывычна карыстацца офісамі і іншымі сэрвісамі і прадуктамі БСБ Банка.
Абодва банкі абавязваюцца прыкласці ўсе намаганні, каб пераход прайшоў максімальна аператыўна і камфортна.
"Мы вельмі старанна падышлі да выбару партнёра, звярталіся з запытамі ў розныя банкі. Акрамя тэхнічных магчымасцей звярталі пільную ўвагу на гатоўнасць прадастаўляць нашым кліентам сэрвіс і жаданне адпавядаць высокім стандартам нашага банка. І заяўляем, што змаглі знайсці такога партнёра, які ўзяў на сябе абавязацельствы якасна абслугоўваць кліентаў і зрабіць неабходныя крокі для далейшага паляпшэння сэрвісаў", - адзначыў в. а. старшыні праўлення БСБ Банка Віталь Рабцаў.
Дасягнуты дамоўленасці, па якіх пры пераходзе кліенты БСБ Банка атрымаюць умовы, аналагічныя дзеючым. Пры гэтым з'явяцца дадатковыя паслугі і новыя сэрвісы.
Кліентам БСБ Банка будуць выпускацца новыя плацежныя карткі БНБ-Банка. Выкарыстоўваючы гэтыя карткі, кліенты змогуць здымаць сродкі ў банкаматах БСБ Банка і БНБ-Банка. Наступным крокам павінна стаць аб'яднанне банкаматных сетак двух банкаў, што патрабуе вырашэння тэхнічных пытанняў з плацежнымі сістэмамі.-0-