Сцяг Аўторак, 23 красавіка 2024
Усе навіны
Усе навіны
Эканоміка
09 кастрычніка 2018, 17:06

БМЗ на выстаўцы ў Чэхіі падпісаў пагадненні на 6,3 млн еўра

9 кастрычніка, Гомель /Кар. БЕЛТА/. ААТ "БМЗ" - кіруючая кампанія холдынга "БМК" у ліку 12 буйнейшых айчынных прадпрыемстваў прадставіла Беларусь на міжнароднай машынабудаўнічай выстаўцы International Engineering Fair (MSV 2018), якая прайшла ў Брно (Чэхія), паведаміў карэспандэнту БЕЛТА прэс-сакратар прадпрыемства Аляксандр Алесік.

"Для беларускіх металургаў прэстыжных форум азнаменаваўся заключэннем пагадненняў на пастаўку металапрадукцыі на суму каля 6,3 млн еўра ў адрас чэшскіх спажыўцоў, у тым ліку вядомых вытворцаў аўтакампанентаў і падшыпнікаў", - расказаў прэс-сакратар. Гэта дасць магчымасць яшчэ больш пашырыць прысутнасць беларускай прадукцыі на чэшскім рынку.

Паводле аператыўнай інфармацыі, за студзень-верасень 2018 года аб'ём экспарту БМЗ у Чэхію перасягнуў 14,7 млн еўра. Беларускі металургічны завод пастаўляе розныя віды канструкцыйнага пракату, металакорд, дрот РМЛ і гарачакачаныя бясшвовыя трубы. Інтарэсы завода на гэтым рынку прадстаўляе сумеснае прадпрыемства Belastahl (Берлін), якое дзякуючы актыўнай рабоце з канечнымі спажыўцамі (вытворцамі аўтакампанентаў, спружын, падшыпнікаў і інш.) за 9 месяцаў змагло нарасціць экспарт беларускай металапрадукцыі ў Чэхію на 25 працэнтаў у параўнанні з аналагічным перыядам 2017 года.

На выстаўцы ў час Бізнес-дня Беларусі адбыліся прэзентацыі беларускіх прадпрыемстваў. Аб высокатэхналагічнай вытворчасці металапрадукцыі БМЗ і напрамках супрацоўніцтва з кампаніямі Чэхіі расказаў начальнік упраўлення маркетынгу завода Яўген Кузьміч.

Міжнародная выстаўка машынабудавання International Engineering Fair (MSV 2018) праходзіла ў Брно з 1 па 5 кастрычніка. Штогадова форум прыцягвае больш за 75 тыс. наведвальнікаў з 59 краін свету, а колькасць экспанатаў у ключавых дзевяці сектарах машынабудаўнічай галіны дасягае 1,5 тыс. Сярод удзельнікаў - кіраўнікі будаўнічых і вытворчых фірм, заводаў, муніцыпалітэтаў.-0-

Падпісвайцеся на нас у
Twitter
Топ-навіны
Свежыя навіны Беларусі