3 кастрычніка, Мінск /Кар. БЕЛТА/. Бяспошлінны ліміт на міжнародныя пасылкі ў Беларусі прапануецца павялічыць да $200, расказаў у інтэрв'ю праграме "Размова ў Прэзідэнта" на тэлеканале "Беларусь 1" міністр сувязі і інфарматызацыі Канстанцін Шульган, паведамляе БЕЛТА.
"Як адна з прапаноў міністэрства - павялічыць бяспошлінны парог да $200 і з 10 кг да 31 кг. Прапрацоўваецца праект указа, які павінен быць унесены на разгляд кіраўніка дзяржавы", - сказаў Канстанцін Шульган. Цяпер бяспошлінны ўвоз міжнародных пасылак у Беларусі абмежаваны 22 еўра і 10 кг.
Міністр таксама расказаў аб планах па развіцці электроннага ўрада. "Гэта аўтаматызаваная інфармацыйная сістэма, якая дасць магчымасць зрабіць узаемадзеянне грамадзян і дзяржавы больш камфортным. Плануем да канца 2019 года ўсе дамы падключыць да інтэрнэту, каб у электронным фармаце грамадзянін мог узаемадзейнічаць з тымі дзяржструктурамі, якія яму неабходны. Любы дакумент, які вам неабходны ад дзяржавы, вы можаце заказаць камфортна, не выходзячы з дому. Вы ведаеце адзіны партал па прадастаўленні дзяржпаслуг, ведаеце пароль. Заходзячы туды, вы можаце трапіць у любы дзяржорган з тым пытаннем, якое вас цікавіць, і атрымаць адказ. У нас ёсць платформа, пры дапамозе якой ідзе аб'яднанне дзяржаўных рэсурсаў. Рыхтуецца праект указа аб гэтай агульнадзяржаўнай аўтаматызаванай інфармацыйнай сістэме", - адзначыў ён.-0-
