Мабільная версія
ДЗЯРЖОРГАНЫ
Апошнія навіны
Усе навіны

"Белнафтахім": пры цяперашніх цэнах на нафту бензін падаражэе

Эканоміка 25.05.2018 | 18:23

25 мая, Мінск /Кар. БЕЛТА/. Пры цяперашніх сусветных цэнах на нафту аўтамабільнае паліва ў Беларусі падаражэе, паведаміў у інтэрв'ю БЕЛТА старшыня канцэрна "Белнафтахім" Ігар Ляшэнка.

"Наша стратэгія застаецца ранейшай: адпаведнасць кошту нафтапрадуктаў і кошту бараля нафты. Сёння кошт бараля нафты дасягнуў $80. Дзеючы ўзровень цэн нафтапрадуктаў на ўнутраным рынку значна адстае ад новага кошту бараля", - адзначыў Ігар Ляшэнка.

"Пры $80 за бараль парытэтная цана ва ўмовах нашага ўнутранага рынку на бензін 92-і і 95-ы будзе ўкладвацца ў дыяпазон ад 80 да 85 цэнтаў за 1 літр. Гэтыя лічбы прымяняльныя і да цэн Расійскай Федэрацыі", - растлумачыў старшыня "Белнафтахіма". Пры змяненні кошту бараля ў большы або меншы бок прапарцыянальна будзе адбывацца і змяненне цэн на аўтамабільнае паліва. Калі цяперашні кошт бараля нафты захаваецца, то рознічныя цэны на аўтамабільнае паліва будуць падцягвацца да названага ўзроўню.

"З улікам сённяшняга кошту бараля патрэбна будзе павышэнне цэн на аўтамабільнае паліва, але паўтаруся, гэта будзе ісці сінхронна з Расійскай Федэрацыяй, практычна на 24 працэнты", - сказаў Ігар Ляшэнка.

Адказваючы на пытанне, ці прадоўжыцца павышэнне цэн мінімальным крокам - на 1-2 капейкі, ён адзначыў, што наўрад ці ўрад зменіць гэты рэжым. "Хоць асабіста наша ініцыятыва была крыху паскорыць гэты рост, таму што ад гэтага залежыць фінансавы дабрабыт прадпрыемстваў, якія пагружаны ў інвестыцыйныя працэсы", - расказаў старшыня "Белнафтахіма".-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Прафілактыка атручэнняў грыбамі У Беларусі з пачатку года зарэгістравана 18 выпадкаў атручэння грыбамі, пры якіх пацярпелі 20 чалавек.