9 сакавіка, Мінск /Кар. БЕЛТА/. Беларусы ў студзені-лютым прадалі валюты больш, чым купілі. Аб гэтым сведчаць статыстычныя даныя Нацыянальнага банка, паведамляе БЕЛТА.
З пачатку года насельніцтва прадала наяўнай і безнаяўнай валюты на $1,148 млрд у эквіваленце, купіла - $855,68 млн. Чысты продаж замежнай валюты фізічнымі асобамі склаў $292,34 млн.
Суб'екты гаспадарання - рэзідэнты Беларусі ў студзені-лютым прадалі замежнай валюты на $2,502 млрд у эквіваленце, набылі - $2,521 млрд.
Нерэзідэнты Беларусі за два месяцы прадалі валюты на $81,8 млн у эквіваленце, набылі - $21,3 млн.-0-