Мабільная версія
ДЗЯРЖОРГАНЫ
Апошнія навіны
Усе навіны

"Беларуснафта" да 2024 года створыць разгалінаваную сетку зарадных станцый для электрамабіляў

Эканоміка 13.07.2018 | 12:10
Фота з архіва
Фота з архіва

13 ліпеня, Мінск /Кар. БЕЛТА/. "Беларуснафта" стала дзяржаўным аператарам па стварэнні ў Беларусі зараднай сеткі для электрамабіляў, да 2024 года кампанія сфарміруе на тэрыторыі краіны разгалінаваную электразарадную сетку. Аб гэтым паведамілі БЕЛТА ў прэс-службе кампаніі, каменціруючы ўказ "Аб стымуляванні выкарыстання электрамабіляў".

Стаўшы дзяржаператарам па стварэнні зараднай сеткі для электрамабіляў, "Беларуснафта" бярэ на сябе абавязацельствы па стварэнні інфраструктуры для электрамабіляў, якая дасць магчымасць уладальнікам электракараў бесперашкодна забяспечыць іх зарадку і нармальную эксплуатацыю, растлумачылі ў прэс-службе.

"Ужо да канца 2018 года сетка электразарадак "Беларуснафты" павялічыцца да 100 станцый. Больш як 40 з іх з'явяцца ў сталіцы. У 2019 годзе ўладальнікі электрамабіляў змогуць бесперашкодна перасякаць тэрыторыю Беларусі па ўсіх напрамках асноўных аўтамагістралей, а да 2024 года кампанія пакрые краіну разгалінаванай электразараднай сеткай, забяспечыўшы транзіт электратранспарту па беларускіх дарогах", - адзначылі ў прэс-службе. Сёння сетка электразарадных станцый "Беларуснафты" налічвае 18 ЭЗС.

Намеснік генеральнага дырэктара па будаўніцтве, агульных пытаннях і ідэалагічнай рабоце "Беларуснафты" Андрэй Коцік нагадаў, што электразараднай тэмай кампанія занялася ў 2012 годзе, калі электракары толькі пачыналі набіраць папулярнасць. "Рашэнне працаваць у гэтым напрамку для нас выглядае вельмі лагічным - мы пазіцыянуем сябе як энергетычная кампанія, якая займаецца не толькі здабычай нафты і нафтасэрвісам, але і вытворчасцю электраэнергіі. Таму стварэнне інфраструктуры для электратранспарту выдатна ўпісваецца ў гэты від дзейнасці. Акрамя таго, маючы разгалінаваную сетку аўтазаправачных станцый, кампанія выкарыстоўвае АЗС як пляцоўку для прадастаўлення новай паслугі - па запраўцы электрамабіляў. З улікам спецыфікі гэтага напрамку зарадныя станцыі таксама будуць размяшчацца паблізу гандлёвых і бізнес-цэнтраў, культурных і спартыўных аб'ектаў, тым самым забяспечваючы зручнасць у выкарыстанні для кліента", - расказаў Андрэй Коцік.

Як паведамлялася, ва ўказе "Аб стымуляванні выкарыстання электрамабіляў" прадугледжваюцца меры, накіраваныя на стымуляванне попыту на электрамабілі, а таксама стварэнне зараднай і сэрвіснай інфраструктуры.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Традыцыі Яблычнага Спаса Яблычны Спас прыпадае на 19 жніўня. Гэта другі па ліку Спас, што ідзе за Мядовым Спасам (14 жніўня) і папярэднічае Палатнянаму (29 жніўня).