28 кастрычніка, Мінск /Кар. БЕЛТА/. Беларуская калійная кампанія падпісала новы кантракт на пастаўку ўгнаенняў у Індыю па $280 за тону, паведамілі БЕЛТА ў прэс-службе БКК.
"Беларуская калійная кампанія і яе доўгатэрміновы стратэгічны партнёр у Індыі, кампанія IPL, дасягнулі пагаднення, вынікам якога стала падпісанне кантракта на пастаўку калійных угнаенняў на індыйскі рынак па цане $280 за тону CFR", - паведамілі ў прэс-службе.
У БКК адзначылі, што гэта пагадненне будзе садзейнічаць павелічэнню попыту з боку індыйскіх фермераў, а таксама з'яўляецца сведчаннем агульнага імкнення кампаніі і IPL да гарманічнага і ўстойлівага развіцця галіны. "Устаноўленая цана не толькі адлюстроўвае бягучую кан'юнктуру, але і стварае перспектыву для актывізацыі гэтага бізнесу ва ўсіх ключавых рэгіёнах", - пракаменціравалі ў Беларускай калійнай кампаніі.
БКК выказвае ўдзячнасць сваім індыйскім партнёрам і падкрэслівае, што ў аснове заключанага пагаднення - высокі ўзровень ўзаемнага даверу і павагі.
ААТ "Беларуская калійная кампанія" было заснавана ў 2013 годзе, з'яўляецца эксклюзіўным экспарцёрам калійных угнаенняў вытворчасці ААТ "Беларуськалій" і на працягу апошніх гадоў захоўвае ўпэўненае лідарства ў сусветным экспарце калійных угнаенняў. За 6 гадоў сваёй дзейнасці БКК паставіла беларускі калій у 130 краін.-0-
