7 чэрвеня, Мінск /Кар. БЕЛТА/. Беларуская дэлегацыя накіравалася ў Маскву для вырашэння пытання з пастаўкамі малака, паведамілі карэспандэнту БЕЛТА ў Міністэрстве сельскай гаспадаркі і харчавання.
"Беларуская дэлегацыя на чале з міністрам сельскай гаспадаркі і харчавання Леанідам Зайцам накіравалася ў Маскву. Сёння плануюцца перагаворы з кіраўніком Мінсельгаса Расіі Дзмітрыем Патрушавым", - расказалі ў міністэрстве.
6 чэрвеня гэтыя перагаворы анансаваў намеснік прэм'ер-міністра Беларусі Міхаіл Русы. "Нейкія пытанні заўсёды будуць заставацца, але яны павінны здымацца, у нас ёсць для гэтага спецыяльныя службы. Думаю, здымем праблемныя пытанні літаральна да канца тыдня", - сказаў ён.
Як паведамлялася, Рассельгаснагляд аб'явіў, што з 6 чэрвеня ўводзіць часовыя абмежаванні на пастаўку некаторых відаў беларускай малочнай прадукцыі ў тары больш за 2,5 л.-0-