Мабільная версія
ДЗЯРЖОРГАНЫ
Апошнія навіны
Усе навіны

Беларуская АЭС дапаможа ў развіцці зялёнай эканомікі - Мінэнерга

Эканоміка 20.04.2018 | 13:57

20 красавіка, Мінск /Кар. БЕЛТА/. Беларуская АЭС дапаможа ў развіцці зялёнай эканомікі. Аб гэтым заявіў намеснік міністра энергетыкі Беларусі Міхаіл Міхадзюк у час наведвання Беларускай атамнай электрастанцыі ўдзельнікамі міжнароднага форуму "Прафсаюзы і зялёныя рабочыя месцы", паведамілі БЕЛТА ў прэс-службе Мінэнерга.

У мерапрыемстве прынялі ўдзел каля 150 прадстаўнікоў прафсаюзаў і навуковай супольнасці з 41 краіны. Замежныя госці азнаёміліся з экспазіцыяй інфармацыйнага цэнтра АЭС у Астраўцы, наведалі будаўнічую пляцоўку станцыі і азнаёміліся з ходам узвядзення АЭС.

"Беларуская АЭС - важны праект зялёнай эканомікі. Увод станцыі ўнясе вялікі ўклад у экалагічны складнік: зніжэнне выкідаў парніковых газаў складзе каля 7-10 млн т штогод", - адзначыў Міхаіл Міхадзюк. Будзе створана каля 2400 новых рабочых месцаў непасрэдна на самой станцыі і дадаткова ў арганізацыях, якія будуць яе абслугоўваць.

Намеснік міністра падкрэсліў, што галоўным прыярытэтам пры будаўніцтве АЭС для Беларусі з'яўляецца бяспека. Перш за ўсё забяспечваецца якасць праектнай дакументацыі. Яна дасканала аналізуецца спецыялістамі заказчыка.

Строга кантралюецца якасць абсталявання ў час яго вырабу і прыёмкі пры паступленні на пляцоўку, а таксама якасць выканання работ. "Прычым перад пачаткам мантажу цяжкавагавага абсталявання мы праводзім дадатковую праверку будаўнічых канструкцый і фундаментаў. Цяпер, напрыклад, перад пачаткам мантажу турбіны на другім энергаблоку мы правялі ацэнку фундамента турбіны, запрасіўшы экспертаў. Прадстаўнікі спецыялізаванай арганізацыі пацвердзілі, што фундамент гатовы да мантажу турбаагрэгата", - растлумачыў Міхаіл Міхадзюк.

Яшчэ адзін важнейшы складнік - падрыхтоўка кадраў. "Гэта работа вядзецца ў рамках генеральнага кантракта на будаўніцтва Беларускай АЭС і дзяржаўнай праграмы па падрыхтоўцы кадраў для ядзернай энергетыкі. Сёння мы практычна падрыхтавалі персанал для першага энергаблока па ўсіх асноўных спецыяльнасцях", - дадаў намеснік міністра.

Беларуская АЭС будуецца па тыпавым расійскім праекце АЭС-2006 новага пакалення 3+ паблізу Астраўца (Гродзенская вобласць). Першы энергаблок плануецца ўвесці ў эксплуатацыю ў 2019 годзе, другі - у 2020-м.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Будаўніцтва жылля ў Беларусі У студзені-красавіку 2018 года арганізацыямі ўсіх форм уласнасці пабудавана 12,9 тыс. кватэр. Уведзена ў эксплуатацыю 1 147,5 тыс. кв.м агульнай плошчы жылля.