Мабільная версія
ДЗЯРЖОРГАНЫ
Апошнія навіны
Усе навіны

Беларусь зацікаўлена ў сумесных праектах з Францыяй у сельскай гаспадарцы і біятэхналогіях

Эканоміка 24.11.2017 | 18:37
У час сустрэчы. Фота з сайта Савета Рэспублікі
У час сустрэчы. Фота з сайта Савета Рэспублікі

24 лістапада, Мінск /Кар. БЕЛТА/. Беларусь зацікаўлена ў сумесных праектах з Францыяй у сельскай гаспадарцы і біятэхналогіях. Аб гэтым 24 лістапада ішла размова на сустрэчы старшыні Савета Рэспублікі Нацыянальнага сходу Міхаіла Мясніковіча са старшынёй парламенцкай групы дружбы "Францыя - Беларусь" Нацыянальнага сходу Францыі Крыстофам Лежэнам, паведамілі БЕЛТА ў прэс-службе верхняй палаты парламента.

У час перагавораў абмяркоўваліся напрамкі інтэнсіфікацыі гандлёва-эканамічных, міжпарламенцкіх, гуманітарных сувязей паміж дзяржавамі. У тым ліку прапанавана актывізаваць партнёрства ў навукова-тэхнічнай сферы. Арганізацыі вузаўскай і акадэмічнай навукі Беларусі ўжо маюць вопыт паспяховага супрацоўніцтва з французскімі партнёрамі, у тым ліку ў фармаце рамачных праграм Еўрасаюза. "Можна было б да гэтых пытанняў вярнуцца і ўдзяліць ім больш увагі", - адзначыў старшыня Савета Рэспублікі. У прыватнасці, Беларусь зацікаўлена ў сумесных інавацыйных праектах з Францыяй па такіх перспектыўных напрамках, як племянная справа, малочная і мясная жывёлагадоўля, ільнаводства, біятэхналогіі.

"Мы выступаем за тое, каб і нашы кантакты, і нашы праекты набылі больш інтэнсіўны характар, - падкрэсліў Міхаіл Мясніковіч. - Для гэтага ў краін ёсць неабходныя рэзервы".

Многае краіны могуць зрабіць і для ўмацавання міжпарламенцкага супрацоўніцтва. У сувязі з гэтым абмеркавана магчымасць арганізацыі візіту парламенцкай дэлегацыі Францыі ў Беларусь. "У нас ёсць разуменне па ключавых пытаннях міжнароднага парадку дня. На міжнародных пляцоўках мы атрымалі падтрымку з боку французскіх парламентарыяў па многіх пытаннях, і мы гэта высока цэнім", - сказаў спікер верхняй палаты парламента.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як прайсці тэхагляд Дзяржтэхагляд транспартных сродкаў (ТС) праводзіцца незалежна ад месца іх дзяржаўнай рэгістрацыі. На дыягнастычную станцыю аўтамабіль прадстаўляецца ў чыстым выглядзе.