30 мая, Мінск /Кар. БЕЛТА/. Беларусь з 1 чэрвеня павышае экспартныя пошліны на нафту і нафтапрадукты, што вывозяцца за межы мытнай тэрыторыі Еўразійскага эканамічнага саюза (ЕАЭС), гаворыцца ў пастанове Савета Міністраў нумар 418 ад 30 мая 2016 года, паведамілі БЕЛТА ў беларускім урадзе.
"Стаўка экспартнай пошліны на сырую нафту будзе павышана з $66 да $80,6 за 1 т. Пошліна на прамагонны бензін павялічыцца з $46,8 да $57,2 за 1 т, на таварныя бензіны - з $40,2 да $49,1 за 1 т", - паведамілі ва ўрадзе.
Пры гэтым пошліна на лёгкія, сярэднія дыстыляты складзе $32,2 за 1 т (была $26,4). Такая ж пошліна ўстаноўлена і адносна дызельнага паліва, бензолу, талуолу, ксілолаў, змазачных і іншых масел.
Папярэдні раз стаўкі вывазных мытных пошлін адносна сырой нафты і асобных катэгорый тавараў, выпрацаваных з нафты, змяняліся 1 мая. Тады яны таксама былі павышаны.-0-
